antxetamedia.eus

antxetamedia.eus jarioa-rako harpidetza egin
Eguneratua: duela 3 ordu 21 min

Irungo emakumeak plazara aterako ditu Parean elkarteak

Or, 02/15/2019 - 13:59

Parean berdintasunaren elkarte berriak, Oihana Llorente irundarrak ekoiztutako “Irungo emakumeak plazara” dokumentala aurkeztuko du, heldu den otsailaren 21ean, arratsaldeko 19:00retan, Oiasso Erromatar Museoan.

Irungo historiaren errelatoa emakumeen ikuspegitik egiteko gonbidapen bat da, Vicenta Olazabal, Dolores Salis, Menchu Gal, Julia Iruretagoyena, Leire Landa, poxpologileak edota mandatugileak nortzuk ziren ezagutzeko parada emango duena.

Baina ikus-entzunezko bat baino gehiago da mugimendu feministatik bultzatu dutena, dagoeneko, plazaratu aurretik, ikastetxeetan berdintasunerako hezkuntza tresna pedagogiko gisa ere baliatu baitute Irungo ikastetxeetan.

Oihana Llorente bera, eta Parean elkarteko Ainara Lopez eta Miren Lantzek eman dizkiote xehetasunak Peli Lekuona lankideari. Esplikatu digutenez, emakumeen eskutik, historia luzea du proiektu honek.

Irungo udal gobernuak bere kabuz jarri ditu martxan Ikust-Alaiako lanak

Or, 02/15/2019 - 13:59

Luis Mariano abeslariaren eskutik egitea, hori da Irungo Udalak Ikust-Alaian egin nahi duen museoaren helburu nagusia. Bertako zein kanpokoei Irun izan zena eta gaur egun arte izan duen garapenaren berri emateko, museo gisa egokitzeko lanak harrapaladan abiatu ditu, aldiz, Udal Goberu sozialistak. Eta oposizioko udal taldeen haserrea piztu dituzte formak.

Joan den urtean alkateak emandako hitza jan egin baitu. Ikust-Alaia udal liburutegia zena behin libratu egin zelarik, Udalbatzan talde politiko guztiekin batera honen erabilerak aztertzeko lantalde bat sortzeko konpromisoa hartu baitzuen. Eta 2019ko urte hasiera hontan, Kultura Batzordean jakinarazi die gobernuak oposizioko taldeei, proiektu museistiko oso bat zehaztu egin duela. Eta ez hori bakarrik, 1891. urtean eraikitako Ikust-Alaia bera ere egokitzeko lanak hasi eta barrenetik hustutzeko lanaka abiatu egin dituztela.

Eraikinaren zaharberritze lanak, EnSanjuan proiektua garatu zuen Luis Uzcanga arkitektoak berak egingo du, eta atzo aitortu zigunez: “eraikinak ez ditu gaur egunbgo irisgarritasun eta efizientzia energetikoaren aldetik behar baldintzak betetzen, eta museo gisa baliatzeko ere, goitik-behera berritu beharra dago, zutabe nagusiak eta oinarriak sendotzeko ere, kanpotik zein barrutik ere, dena desmuntatu beharko delarik. Proiektua ahal bezain kontserbatzailea izaten saiatu direla nabarmendu du, baina ia osorik berritu beharko dutela, kanpotik lehengo itxura emanez, atzekaldean igogailua jasoko duen eraikiko zaion dorre akristalatu moderno bat izan ezik”.

Harrapaladan abiatutako lanak izanik, SPI udal taldeak, Eusko Jaurlaritza, Gipuzkoako Foru Aldundia zein Udaleko Ondare sailei Ikust-Alaia eraikina hustutzen hasi direlarik, zer uki zezaketen eta zer ez argitzeko txosten bat eskatu duela iragarri du iada.

Presaz eta interes elektoralari begira baino, bultzatutako proiektu bat baino ez dela deritzote oposizioko zenbait taldek.

Horren adierazle, atzo bertan, Denis Itxaso, Gipuzkoako Foru Aldundik Kultura diputatu sozialistaren bisita Ikust-Alaia eraikinera. Jose Antonio Santano alderdikidearekin batera egin zuen abiatu berri dituzten obrei bisita, diputazioak milioi euroko proiektu honen erdia diruzlagunduko duela jakinarazteko.

2019an jarriko da martxan Hondarribiko mini busa

Az, 02/13/2019 - 13:38

Hondarribian gaur bilkura deialdi garrantzitsua egin du Udalak, tailer moduan aurkeztu badu ere. Hondarribia Mugitzen Da lelopean, Mugikortasun Mahaiaren saio berri bat proposatzen dute, udal areto nagusian arratsaldeko 19:00retan.

2018an sei bilera egin eta gero, aurtengo Mugikortasun Mahaiaren bigarren saioa izango da hau, lantalde dinamikan eramango dena. Eta bertan, udaberrian aurkeztuko duten 2030 urtera begirako plangintza osatzeko diagnostikoaren txostenaren aurrerapena ere aurkeztuko dute.

Kalixa Silanes, mugikortasun gaietarako eta Ingurumen eta Agenda 21eko ordezkariak esplikatu digunez, herritarren partehartzea ezinbestekoa da. Horren adierale izan da, 700 lagunek osatutako minibusaren proiektuari buruzko inkesta. Eskaera eta ikusitako beharren arabera, dagoeneko 2019 urte hontan abian jarriko duten zerbitzu berria.

Printzipioz 30 plazako autobus txikia izango da, eta oraindik zehazteke dago elektrikoa izango den ala ez. Baina ziur da, Mugi txartela erabiltzeko sistemari egokituta egongo dela, eta horri esker, transbordo eta hobari beretsuak jasoko dituztela erabiltzaileek.

Sexu askatasunaren kontrako erasoek gora egin dute eskualdean

Az, 02/13/2019 - 13:37

Azken asteetan Irungo zenbait establezimenduetan emandako lapurreten harira, sare sozialetan izan ezik, zenbait komunikabideetan ere, piztu den alarmari aurregin nahian edo, Ertzaintzak, Irun-Hondarribiko Udaltzaingoak eta bi udalerrietako segurtasunerako zinegotziek egin ohi duten Koordinazio Batzordearen balorazioa publiko egin zuten atzo.

Irungo Ertzain-Etxetik eman ditzuten 2018ko datuen arabera, ez da egia gure eskualdean lapurretek gora egin dutenik. Kontrakoa baizik. Kriminalitate-tasak, aldiz, ezin estaliu dezake beste errealitate bat, sexu-askatasunaren kontrako erasoek gora egin dutela, hirukoiztu zehazki, 2017an 12 sexu-eraso salaketa jaso ondotik, iaz 34 izan baitira.

Hortaz gain, 231tik 299ra emendatu dira lesion-delituak, eta zentzu honetan igoerarik nabarmenenea familiaren esparruko erasoetan izan da, 76 salaketarekin.

Halere, orohar, eskualdeko delitu tasa %1,62 apaldu egin zen 2018an, 2.670 arau-hauste eman direlarik, 34 gutxiago. Eta bereziki, hain zuzen ere lapurretek %5,97 egin dutelako behera. Izan ere, 2017an baino 108 lapurreta delitu gutxiago eman ziren iaz Irun-Hondarribian, bereziki, indarra erabilita egindako lapurreten kasuan. Beraz, datu ofizialek agerian uzten dute, lapurreta delitu kopuruek gora egin dutenik, gezurra dela.

300 bazkide behar ditu Labore Txingudik

Az, 02/13/2019 - 13:37

Labore txingudi elkarteak fase berri bati hasiera ematea erabaki du, horretarako 300 bazkide berri lortzea dute helburu. Astelehen hontan egindako bilkuran aipatu zutenez, lokal berri batera aldatzea erabaki dute. Bazkidetza kanpainiak bere helburuak lortzen baditu, saltoki handiago bat, produktu freskoen eskaintza handiagoa eta produktu gehiago eskeintzeko aukera egongo zen. Dornaku Lantzekin hitzegin dugu

Kataluniako epaiketaren aurka elkarretaratze deitu dute Irunen

Al, 02/11/2019 - 13:49

Kataluniako buruzagien aurkako epaiketa asteartean  Abiatzen da. Fiskaltzak 7 eta 25 urte arteko zigorrak eskatu ditu, matxinadagatik, dirua bidegabe erabiltzeagatik eta desobedientziagatik. Irungo Gure esku Dagok, elkarretaratze bat deitzen du astearte honetan, arratsaldeko 19.00 zabaltza plazan. Aitor Errazkin lankidea, Ander Errazkin, Irungo Gure Esku dDgoko kidearekin hitzegin du

Maskarara ekarriko du Kemen dantza taldeak ihauterietan

Al, 02/11/2019 - 13:48

Hilaren 23an, kaldereroen kabalkadarekin abiatuko dia ihauteriak Irunen. Urtero bezala KEMEN dantza taldeak Irungo Ihauterietan hainbat hitzordu prestatu ditu, Ander Amantegi KEMEN dantza taldeko irakaslearekin hitzegin dugu

Goazen telesailaren azken atalaren aurre emanaldia eskeiniko da Hendaian

Al, 02/11/2019 - 13:34

Goazen telesailaren azken atala ikusteko aukera izanen da Hendaian, bigarren urtez segidan, Herri Urratsen alde, Pausokak telesailaren azken atalaren aurre emanaldi bat eskeiniko du Hendaian. Maia Muruaga

Azken atalaren aurre emanaldia GOAZEN telesaileko aktoreen presentziarekin iraganen da. Informaziorako eta sarrerentzako www.herriurrats.eus webgunera jo dezakezue.

Hondarribiko V. Kanikross proba jokatuko da Higer Itsasargi inguruan

Og, 02/07/2019 - 13:55

Ez ohiko kirol bati buruz ere mintzatuko gara gaur. Izan ere, asteburu honetan, Euskadiko TxakurKross Ligaren baitan, Hondarribiko V. Kanikross proba jokatuko da Higer Itsasargi inguruan. Aurten Ogiberri Saria izendatu dute.

Urtetik urtera indartzen eta babesle berriak biltzen doan kirola baita kanikross edo txakurkrossa, ikusgarria izanagatik. Euskanikross Kirol Elkarteko antolatzaileek, Talaia bidera hurbiltzen den orok, lasterketa ikusgarri bat segitzeko aukera izango duela nabarmendu du.

Aurten gainera, bi jardunaldi izango dira. Larunbata arratsalde iluntzean, 17:00etatik aurrera bata, eta igande goizeko 9:00etatik aurrera bigarrena. Baina zer da txakurkrossa? Edo kanikrossa? Ba, urtetik urtera geroz eta jende gehiagok praktikatzen duen kirola. Jendea, eta euren txakurrak, noski. Joxemari Altuna eta Juulen San Miguel, EuskaniKross elkarteko kideek azaldu digute zertan datza.

Guztira kategoria ezberdinetako sei lasterketa egingo dituztelarik. Izan ere, proba ofizialez gain, bere txakurrarekin probatu nahi duen ororentzako txakurkross herrikoia, eta haurrentzakoa ere izango da igande eguerdian.

Martxan da Irungo IV. Adikzioen Kontrako Plana

Og, 02/07/2019 - 13:50

Asko ala gutxi,  kontsumitu, kontsumitzen da. Eta gazteak adikzio hauetan eror ez daitezen prebentzio lan handia egiten da Irunen, Gizarte Zerbitzuetatik. 2012-2017 Adikzioen Kontrako Planak aurreikusten zituen 25 ekintzak bete egin ditu Irungo Udalak.

Baina prebentzio lana etengabea behar du izan, eta etengabea ere gizarte kontsumista honek eskaintzen dituen aukera eta adikzio berri posibleei egokitu beharra ere.

Hala, otsailaren 28a bitartean, Irungo IV. Adikzioen Kontrako Plana osatzeko inkesta egiteko aukera ematen du Udalak. Sasoia erakundea ari da eragile ezberdinekin bilkurak egiten, eta 12 eta 18 urte arteko eskolartekoei inkestak egiten ere. Gure partetik, gehiago jakin nahi izan dugunez, Gizarte Zerbitzuetako teknikari arduradunarengana jo dugu.

20 urte bete ditu Bidasoa - Txingudi partzuergoak

Og, 02/07/2019 - 12:11

Bidasoa Txingudi mugaz gaindiko partzuergoak 20 urte betetzen ditu horren karietara asteazken hontan, urteko kontseilu orokorra ospatzeaz gain urteurrena ospatzeko ekitaldi bat egin zuten. Bidasoa Txingudi mugaz gaindiko partzuergoak, Irun, Hendaia eta Hondarribiko herriak biltzen ditu. Hasiertik, izaera berezia duen eskualde honetako elkarte, erankunde eta bizilagunen arteko ezagutza sustatzea izan du helburu. Kultura,Kirola, euskara eta turismoaren alorrretan proiektu amankomunak bultzatu dituzte. Bidasoa Folk festibala, Bidasoako bertso eskula, turismoa sustatzeko Bidasoa Pass txartela eta Azken urteetan garraio zerbitzuari dagokionez, hego bus  Hendaia eta Irun arteko herrietara zabaltzea besteak beste. Aurrera begira lankidetza honekin jarraitzeko prest agertu dira.

Bidasoa txingudi mugaz gaindiko partzuergoaren kontseilu orokorrak 2019ko aurrekontuak onartu ditu, guztira 300.000 euro baino gehio onartu dituzte.

San Miguel auzo plana aurkeztu da

Az, 02/06/2019 - 14:34

San Migel 2025 Auzo Plana osatzeko prozesua aurrera eraman dute azken hillabeteetan, auzo elkarteak eta Hiritik At kooperatibak. Hainbat bilkura irekietan auzoko arazoak eta hobetu beharrekoak diagnostikatu ondotik, hau gauzatzeko plana osatu dute.

Gaur erakunde publikoei aurkeztu ahal izango dieten txostena aurkeztu dute. Agintariek izango dute zenbait kasuetan hartu beharreko neurrietan erantzuna, baina auzotik bertatik garatu beharreko proiektu eta dinamikak ere badira.

Auzo bizi dela agerian geratu da hilabeteotan aurrera eramandako prozesuan. Peli Lekuona lankideak segitu du goiz hontako auzo planaren aurkezpena. Beraz, San Migelera goaz, 2025 urte begiz jotzeko.

 

Deialdi irekiak eskaintzen ditu Bitamine Faktoriak

Az, 02/06/2019 - 14:27

Kultur kontuei erreparatuz, sortzailea baldin bazara adi Bidasoaldetik Bitamine Faktoriak eskaintzen dituen aukera andanarekin. Hainbat laguntza deialdi martxan ditu egunotan, eta horrekin interesatu garenez, artista eta sortzaile berrientzako faktoriako kide bat gonbidatu du Koldo Nausia lankideak gurera gaurkoan gure estudioetara.

 

Ahal Duguk 2019ko udal aurrekontuak onartzeko borondate eza egotzi dio Santanori

Az, 02/06/2019 - 14:13

Irunen, aldiz, 2019ko udal aurrekontuen negoziaketa, edo des-negoziaketa da aktualitate gaietan. Izan ere, badira bi hilabete Udal Gobernu sozialistak bere aurrekontu zirriborroa oposizioko udal taldeei aurkeztu ziela. Eta denbora epe honetan, alderdien artean ados jarri baino, geroz eta jarrera kontrajarriagoak dira.

Emaitza da, otsailak 6 dituela, eta Irungo Udalak ez duela 2019ko udal aurrekontu onarturik. Beraz, 2018ko aurrekontuak prorrogatuz irekitzen dituzte pertsianak Udalak eta bere zerbitzuek egunero. Funtzionamendurako balio dezake, baina poroiektu berriak gauzatzeko ez, ezta aurretik hartutako zenbait konpromiso ere. Esate baterako, 2018ko Udal Aurrekontu Partehartzaileetan herritarrek proposatu eta bozkatutako proiektuak bertan behera geratuko lirateke, 2019ko udal aurrekontuak onartu ezean.

SPI udal taldeak gaur salatu du, aldiz, Udal Gobernuak ez duela negoziatzeko borondaterik. David Sotok gaur, agintaldi honetan PNVrekin poltrona banaketarako baizik negoziatu ez izana leporatu dio alkateari. Eta 2019ko udal aurrekontuak onartzeko borondate eza egotzi dio. VIA SANTANO, deitzen dio, Via Irun proiektuari.

Miren Etxebeste, SPIko idazkari nagusiak bere harridura agertu du gaur, aurrekontuen negoziazioek bizi duten inpasse edo geldialdi egoera dela eta. Izan ere, bi hilabetetan, Udal Goberuak bina bilkura izan ditu SPIrekin eta PNVrekin, eta bakarra PP eta EH Bildurekin. Ez dirudi premia handia duenik goberuak beraz, gauzak adosteko.

Heldu den maiatzeko udal hauteskundeen ondotik Jose Antonio Santano alkateak irabaziko balu ere, gaur egun aurrekontuekin agertzen ari den negoziatzeko gaitasun ezarekin, SPIk iragarri du zail izango duela, inorrekin deus adostu ere. Gauzak horrela, SPIk idatziz entregatu dizkio Miguel Angel Paez, Ogasuneko ordezkariari udal aurrekontuak onartzeko ezinbestekotzat jotzen dituen emendakinak. Eta aparkaleku arazoari konponbidea jartzeko neurri-xorta ere. Zentzu honetan, gogoratu beharra dago, SPIk berak gurutzada bat abian jarri duela

 

Hendaiako Lissardy eskolak frantseseko irakasle postu erdi bat gal dezake

Az, 02/06/2019 - 14:01

Ostegun honetan eskola karta eztabaidatua izango da Paueko akademia ikuskaritzan. Hendaiako Lissardy eskolaren kasuan frantseseko irakasle postu erdi bat galtzekotan dira.Lissardy eskolako guraso eta irakasleen esanetan aklademia ikuskaritzak ez du Hendaiako eskolen izaere berezia kontuan hartzen, lissardy eskolan esaterako ikasleen %51 hegoaldetik edota beste herrialdeetatik etorritakoak dira, guztira 14 nazionalitate ezberdin biltzen dira. Frantsesa edo euskara menperatzeko zailtasunak dituzte. Céline Etchebarne Ikas Bi-ko permanentea

 

“Aldaketa Klimatikoa Historian Zehar” Oiasso museoan ikusgai

Ar, 02/05/2019 - 13:30

Otsailaren 28a bitartean, pil-pilean den aldaketa klimatikoari buruz gogoetatzeko erakusketa ederra jasotzen du Oiasso Erromatar Museoak. Bizkaiko Museo Arkeologikoak utzitako erakusketa izanik, azken bi milioi t’erdi urteetan Euskal Herrian aurkitutako aztarnak biltzen ditu. Eta “Aldaketa Klimatikoa Historian Zehar” lelopean, gizakiaren eta klima aldaketaren arteko hartu-emanaz hausnartzeko aukera ematen du.

Izan ere, Lekeition aurkitutako pinguinoen aztarnak edota estepako errinozero lanudoarenak ere badira tartean. Santimamiñeko leizeetan aurkitutako ehunmilaka urte dituen homo sapiens baten hezurduratik abiatuta, gaur egun munduan bizi garen hura bezalako 7.000 milioi homo sapiens-ak ama lurrarekin egiten ari garenaz jabetzeko parada ematen du erakusketak.

Halere, Juanjo Jimenez, Oiasso Museoko historialariak, Koldo Nausia lankideari esplikatu dioenez, aldaketa klimatikoak etengabeak izan dira.

Oinaurreko lotuneko lanak hasi dira

Ar, 02/05/2019 - 13:29

Oinaurreko loturan izan dira gaur bisitan Gipuzkoako Foru Aldundiko agintariak, AP-8 autobidearekin egingo den Irungo hirugarren lotunearen eraikuntza lanen lehen egunean. Markel Olano, Gipuzkoako diputatu nagusia, eta Bide eta Azpiegituretako diputatua, Aintzane Oyarbide.

Azken hilabeteetan zonaldea gurutzatzen duten tentsio altuko Iberdrolako lineak desbideratzeko lanak egin dituzte, baita biribilgune berria egongo den tokian zegoen dorre elektrikoa tokiz aldatu ere. Eta dagoeneko, lotune erdia berarekin hasi dira gaur. Orotara kasik 15 milioi euroko proiektua da, eta Bidasoa eskualdeko trafikoa arintzeko lehentasunezko helburua duela esplikatu digu Markel Olanok.

12 hilabeteko obrak aurreikusten dira, eta beraz, 2020ko urtarrila-otsaila alderako, Oinaurretik autopistara sartzeko  erabilgarri egon dadila espero dute. Entzun duzuten bezala, betiere, Irungo Udalak hitz emandako partea betetzen badu.

Aldundiak nabarmendu du, egindako azterketen arabera, autopista sahiesbide gisa erabiltzea ahalbidetuko duen lotune berri hau, egunero 2.500 erabiltzaile izango dituela aurreikuspenen arabera. Zentzu honetan, erabiltzaileei erraztasunak emango dizkiete, Irungo autopistako bidesari guztiak bateratuaz.

Jeltzaleen ildo politikoak bost mahai ingurutan aurkeztuko dira

Al, 02/04/2019 - 13:32

EAJ udal taldea, aldiz, aurrekontuei begirada galdu gabe, maiatzeko udal hauteskundeak prestatzen hasia da. Atzo bertan Barakaldoko BECen izan zen Xabier Iridoy jeltzalea, alderdiak antolatutako aurre-kanpainari hasiera emateko ekitaldian.

Eta bihar, Irunen, uztailaz geroztik osatzen ari diren Irungo hiri ereduaren osaketa prozesua borobiltzeko mahainguru parte-hartzaileei ekingo diete.

Xabier Iridoyk esplikatu digunez, euren politiken ardatz nagusiak hunkitzen dituzten gaiei buruzko bost konferentzia proposatuko dituzte datozen asteetan. Biharko aurrenekoa, gobernantza eredu berriei buruzkoa izango delarik. Lehen hitzordua bihar Palmera Montero gunean, 17:00etan.

Gainerako hitzaldietan, Irungo enpresa txiki eta ertainei buruz, errepide eta mugikortasunaren inguruan, gizarte politiketaz, eta elkarbizitza eta segurtasuna Irunen aztertuko dituzte.  

Aparkalekua jarri du SPIk marra gorritzat, udal aurrekontuak adosteko

Al, 02/04/2019 - 13:32

Irungo bide bazterretan aparkatzea sufrikario bat bilakatu bada askorentzat, gaiak pizten duen interesa dela eta, bazterrak nahasten ari ditu udal politika arloan ere.

Joan den astean Dunboa, Arbes eta Palmera-Montero auzuneko 110 bizilagun bildu zituen Irungo Podemosek aparkalekuari buruz eztabaidatzeko antolatutako bilkura irekian. Eta dagoeneko, San Migel auzoan halako beste deialdi bat proposatuko dutela iragarri dute.

Udal Gobernu sozialistak daraman lurrazpiko aparkalekuen aldeko eta azalekoen ezabatzeko politika salatu du hainbat alditan Si Se Puede Irun Ahal Dugu udal taldeak. Baina oraingo honetan, oraindik ere onartu gabe dauden 2019ko udal aurrekontuak babesteko ezinbesteko baldintza bilakatu dute Podemos-ekoek.

Udal Gobernuarekin aurrekontuari 25 emendakin aurkeztu ondotik, eta negoziazioetan sozialistek 20 bat onartzeko prest egonik ere, Miren Etxebeste, SPIko idazkari nagusiak arrapostua egin du, linea gorria aparkaleku arazoan markatuz.

Koherentzia eskatu du Paezek

Asteburuan iritsi da Udal Gobernu sozialistaren erantzuna. Udal aurrekontuen negoziaketetan koherentzia eskatu dio Miguel Angel Paez Ogasun ordezkariak, David Soto, SPIko bozeramaleari. Aparkalekuen gaia, eta linea gorria, ez dutelako orain arteko negoziazioetan aipatu. Dena dela, negoziatzen segitzeko prest agertu da ordezkari sozialista.

Hala edo horrela, egia bakarra da, otsailak 4 dituela gaur, eta Irungo Udalak ez dituela 2019ko udal aurrekontuak oraindik onartu. Eta Udal Gobernua urtarrilaren erdirako deitzeko asmoa zuen aurrekontuen plenoak, ez duela oraindik data finkaturik.

Aurrekontuak luzatzeko aukera

Antxeta Irratiak iragarri dezake, negoziazioen ibilmoldea zein den ikusita, litekeena dela, adostasunik lortu ezean, Udal Gobernuak 2018ko aurrekontuak prorrogatuz edo luzatuz gobernatzeko aukera aztertzen dabilela. Zentzu honetan, EH Bilduk argi du, sozialisten ahuldadearen irudiko dela aurrekontuen egoera.

EuskarAbenturako parte hartzaileen hautaketa hasi da

Or, 02/01/2019 - 13:22

Euskarabentura Espedizioak 16-17 urte bitarteko 120 gaztek osatuko dituzte, eta, parte hartu ahal izateko, banakako lan bat egin beharko dute, hiru gai hauetako baten inguruan: “Maite ditut maite gure bazterrak”, “Joan-etorriak: migrazioen testigantzak” edo “Errimak eta erritmoak”.

Jasotako proiektuak Eusko Ikaskuntzaren eta Puntueus Fundazioaren laguntzaz ebaluatuko dira, eta lan onenen egileek espediziora joateko «beka» jasoko dute

Interesdunek lana eta motibazio gutuna bidali beharko dituzte martxoaren 10a baino lehen. Horrez gain, www.euskarabentura.eus helbidean izena eman behar dute

  1. Euskarabentura espedizioa zehazki zer den gogoratu
  2. Iazko esperientziaren balorazioa
  3. Aurtengo espedizioan parte hartzeko deialdia zabaldu duzue, ipar euskal herriko gazteak animatzen dituzue aventura honetan parte hartzeko? Zer egin behar dute horretarako.

Orriak