antxetamedia.eus

antxetamedia.eus jarioa-rako harpidetza egin
Eguneratua: duela ordu 1 12 min

Frantzia, Espainia eta Ingalaterratik datoz turistak

Og, 04/18/2019 - 21:34

Eguraldiak  ez du printzipioz Aste Santuko turismo kanpaina lagunduko, baina azken bi urteetan bezala, Bidasoa bailaran hotel eta nekazal-turismoen okupazio maila %90etik gora ibiliko da. 

Goiz hontan Irun eta Hondarribiko 6 hotel eta 6 nekazal-turismoetan galdetu dugu, eta aipatu digutenez, Madrilen joan den ostiralaz geroztik jai dutela nabari da, eta Espainiako estatuko bisitariak dira gehienbat espero dituztenak, atzerritik, Frantzia eta Ingalaterratik egindako erreserbak ere badituztelarik, asteazkena eta ostirala bitartean helduko direnak.  Edozein kasuetan, okupazio maila altua izango da. Hondarribian, Alde Zaharreko Gipuzkoa Plazan dagoen Palacete Hoteleko Maddi Etxebesterekin hitz egin dugu. Hotel bakar batek ez duenez balio argazki baten egiteko. Hondarribiko Rio Bidasoa eta Txoko-Goxon ere galdetu dugu. Hotela beharrean, nekazal-turismoak nahiago dituzten bisitariak ere badira. Honetan, okupazio-tasa altua da ere, Hondarribia zein Irungoetan. Nekatur sarearen partaide direnek esan digute, internet bidezko erreserbei esker betetzen dutela. Eta azken hamarkadan geroz eta nekazal-turismo gehiago daudenez, lehia handia izan arren, gehientsuenentzat aski bisitari badagoela dirudi. Hondarribiko Artizar, Postigu eta Irungo Mendiola nekazal-etxeetan adibidez, aurreikusitako eguraldi txarrak azken orduko kantzelaziorik ekartzen ez badu, bete xamarrak dituzte.  

Mendian ere euskaraz taldearen hitzorduak ezagutu ditugu

Og, 04/18/2019 - 21:31

Mendian euskaraz taldearen hurrengo hitzorduak:  Mendian ere euskaraz bizi nahi dutela aldarrikatzea dute helburu nagusia, baita arnasgune hori euskaldun jendeari agerraraztea ere. Horretarako, urtean zehar ateraldiak antolatzen dituzte datozen hilabeteetan antolatu dizuten hitzorduei buruz interesatu gera. Edu Zabala,mendian euskaraz taldeko kidearekin hitzegin dugu

Apirilaren 28a bitarte, Alde Zaharra, erdi aroko harresiak, Jasokunde eta Sagarrondoko parrokia eta Portu auzoa bisitatzeko aukera aurten ere

Og, 04/18/2019 - 21:23

Hondarribiko Arma Plaza Fundazioak, herrio ondare historikoa ezagutara emateko bisita gidatu bereziak antolatu ditu Aste Santuko oporraldietarako. Euskal Autonomi Erkidegoko laugarren gunerik bisitatuena da Hondarribiko Alde Zaharra, eta 2014an bisita gidatuak antolatzen hasi zirenetik, etengabe egin du gora bisitarien kopuruak, hasierako 2.800 bisitarietatik joan den urteko 17.500en marka gainditzeraino. Egunotan, Aste Santuko oporren karietara, herriak jaso ohi dituen 4.000 bisitari baino gehiago kontuan hartuta, apirilaren 28a bitartean, Alde Zaharra, erdi aroko harresiak, Jasokunde eta Sagarrondoko parrokia eta Portu auzoa bisitatzeko aukera ezberdinak proposatzen dituzte. 

Koldo Nausia lankideak bildu dizkigu xehetasunak. 

Aste Santuetan bisitariek estreinatu ahal izango duten APP berria aurkeztu berri du Arkeolan Fundazioak

Az, 04/17/2019 - 16:40

50 urte betetzen dira aurten, Jaime Rodriguez Salis irundarrak, Oiasso hiri erromatarra zeneko aurreneko aurkikuntza arkeologikoak egin zituenetik. Eta orduz geroztik, Irunen egin diren aurkikuntza nagusietatik ordubeteko ibilbidea proposatzen duen aplikazioa garatu dute Euskal Herriko Unibertsitatearekin batera. Elena Torregarai, Arkeolaneko kidea eta Euskal Herriko Unibertsitateko irakasle eta erroma klasikoan adituak esplikatu digunez, historia ikertu eta indusketak ezinbestekoak izanik, honen dibulgazioaren aldeko apostua egin nahi izan dute oraingoan. IRUN TIR TOUR OIASSO app berria Google Play bitartez, edota arkeolanen webgunetik telekargatu dezakezue dohainik, eta euskaraz, eta teléfono portableko gps-a piztuta, Junkal plazatik abiatu, eta Santiago kaleko portua, Ama Xantalengo nekropolia eta itzulia eginez, Oiasso Museoaren atzealdean dauden terma erromatarretaraino eramango zaitu, urratsez-urrats. Eta Irungo historia erromatarra ezagutzera emateko ere, Oiasso Erromatar Museoak bere partetik, Irugutzetako labe eta meategira zein Ama Xantalen nekropolira bisita gidatuak antolatu ditu egunotan. Aste Santuko jai egunetan, goizero 11:00etan tren berdean egiten dute bisita. Antxeta Irratian bisita egin dugu, museoko aditu baten eskutik, Itsaso Bikuña. Bihar eta etzo, bi ataletan entzun ahal izango duzute bisita osoa. Baina gaurkoan aurrerapen txiki honekin geratuko gara…

Azalpen eske, aurrekonturik ezean

Az, 04/17/2019 - 16:34

Irungo Udalak 2019ko udal aurrekonturik gabe segitzen du. 2018ko aurrekontuen prorroga edo luzapenari esker mantentzen du bere oinarrizko zerbitzuen jarduna, baina eguneroko pertsianak igotzeaz gain, luzapenaren mekanismoak ez du herritarren behar berriak edota inbertsio eta proiektuak garatzeko aukerarik ematen.  EAJ udal taldeak oroitarazi du, 70,5 milioi eurokoa dela 2018tik errepikatzen den luzapena, eta Udal Gobernu sozialistak berak 2019 urterako aurkeztu zuen aurrekontu proiektua, 77,5 milioi eurokoa izan zela. Beraz, Udalaren egunerokoa kudeatzeko eskax den heinean, 2018ko aurrekontuen likidazioa egin berria delarik, hartatik eratorritako 6 eta 7 milioi euroen arteko diru kopurua lehenbailehen erabili ahal izateko exijituko dio Jose Antonio Santano alkateari.  Xabier Iridoy, EAJko bozeramalearen arabera, alkateak kreditu modifikazioa onartzeko udalbatza deitu beharko luke horretarako heldu den maiatzan. Beraz, Irungo gizartearen aniztasunaren irudikoa beharko lukeen negoziazio baten desmartxa abian jar dezala exijitzeko mozioa aurkeztu dute jeltzaleek. Haien esanetan,”alkatearen arduragabetasunaren ondorioz, 2019ko udal aurrekontuen gabeziak sortzen ari duen paralisia hein batean paliatuko lu

Berako udalak 5 ikur frankista kendu ditu, hainbat etxebizitzetatik

Az, 04/17/2019 - 16:28

Berako udalak 5 ikur frankista kendu ditu, hainbat etxebizitzetatik

Hondakinen egutegi saritua

Ar, 04/16/2019 - 15:23

Berako EH Bilduk, lau urte hauetako balantze ekonomikoa egin berri du eta, Dori Rios Beratarrari  tokatu zaio Hondakinen mankomunitatearen urteko lehen saria

Hondarribia, aste santua eta ohiturak

Ar, 04/16/2019 - 15:21

Eta Aste Santuak zerbait baldin badu, kutsu erlijiosoa da. Hondarribiko Ostiral Santuko prozesioa, adibidez, 1602. urteaz geroztik ospatzen da, gutxienez. Oihartzun handiko prozesioa da Gipuzkoa mailan, eta milaka bisitari erakarri ohi ditu Alde Zaharrera. Baina ekimena ikusteko baino, jendeak parte har dezan, eta Aste Santuaren usadio zaharra iraun dezan Kofradia berri bat sortu berri dute, iada, prozesioko jantziak, imajinak eta bestelakoak zaintzen eta atontzen hamarkadak daramatzatenek. Julia da eramaileetako bat. Eta esplikatu digunez, haien helburua da ondasun kultural eta historiko hau mantentzea, bai eta jendeak aktiboiki parte har dezan lortzea ere. Balio handiko ondarea duten jantziak eta imajinak baliatzen dituzte prozesioan. Erromatarren jantziak, esate baterako, Etxenagusia margolariak egindako diseinu batzuetan oinarrituta egin ziren, Parisen. Baina santuen jantziek ere 300 urte  

 

 

Stop Kaleratzeak-en arabera, “Udalak ez du tramitea egin ere”

Ar, 04/16/2019 - 15:14

Stop Kaleratzeak plataformak atzo San Juan plazan egindako akanpadaren ondotik, Mari Jose Porriño irundarraren muturreko egoera bere horretan mantentzen da. Pairatzen duen minbiziari aurre egiteko kimioterapia tratamenduan segitzen du, eta 12 urteko alaba bere kargu duelarik, alokatutako 5 metro karratuko logela batean bizi da. Diru sarrera apalak ditu, eta gaixotasunaren ondorioz bajan dagoenez, are murriztuagoak ikusi ditu orain. Hortaz, ezinezkoa du alokairuzko etxebizitza pribatu bat eskuratzea, eta Irungo Udaleko Gizarte Zerbitzuetan ez diotela lagundu nahi izan salatu du Stop Kaleratzeak plataformak.  

Irungo Udalak, aldiz, ohar baten bidez jakinarazi du etxebizitza publiko baten esleipen zuzena Eusko Jaurlaritzaren eskumena dela, eta Udalak egindako kontsultaren ondorioz, euskal gobernuak jakinarazi duela, Mari Josek ez dituela behar baldintzak betetzen. Stop Kaleratzeak-en arabera, aldiz, konfirmatu ahal izan dutenez, “Udalak ez du tramitea egin ere”. Gobernu sozialistak larrialdizko egoeran diren pertsonen espedienteen berri ez emateko politika mantentzen duela diote, “ofizialki ematen ez den kasua, esistitzen ez delakoan, beharrik  ez dagoela adierazteko”. Zentzu honetan, gizarte zerbitzuetako teknikariek Mari Jose Porriñoren espedientea ez tramitatzeko agindu politikoa jaso dutela salatu du plataformak. Sergio Corchon, Gizarte Ongizate arloko zinegotzi sozialistak bere partetik, hau gezurtatu egin du Antxeta Irratiko mikrofonoetan. Joan den ostiralean Mari Joserekin zuzenean mintzatu zela dio, eta egoeraren berri ematearekin batera, Udalak Eusko Jaurlaritzarekin harremanetan segitzen duen bitartean, paraleloki emakume honi eta bere alabari larrialdizko alojamendu alternatibo bat eskaini diola. “Eusko Jaurlaritzaren ezezkoa jaso dugun arren, Udalak ez du emakumle hau kalean utziko, eta Lanbide bitartez, zein Udalaren dirulaguntza sozialak aktibatzeaz gain, etxebizitza bat lortzeko aholkulari sozial baten laguntza eskaini zaio”, esplikatu du Corchonek, “bere tratamendua kontuan hartuta, Udalak Etxez Etxeko Laguntza Zerbitzua ere bere esku jarri duelarik ere”.

Berako mendi maratoi erdia burutuko da igandean Beran

Og, 04/11/2019 - 14:55

Berako mendi maratoi erdia burutuko da igandean Beran

Udalaren 2,3 milioi euro fakturatu duten kultur jardueretarako MONTAI eta beste hiru enpresei egindako ordainketak, era iurregularrean eta dekretu bidez ordaindu izana leporatu diote Sagarzazuri

Og, 04/11/2019 - 14:53

Txomin Sagarzazu alkate denez geroztik, Udalaren 2,3 milioi euro fakturatu duten kultur jardueretarako MONTAI eta beste hiru enpresei egindako ordainketak, era iurregularrean eta dekretu bidez ordaindu izana leporatu dio eldiario.es agerkari digitalak. Diotenez, Gipuzkoako EAJ alderdiko militantea den Aitor Elorzaren enpresak izanik, eman dira ordainketa hauek, eta udal kontu hartzaileak egindako 12 kontrako abisuen ondotik. Gogoan hartu behar da, 2009az geroztik iraungita duela Udalak MONTAI enpresari esleitua zuen kontratua, eta orduz geroztik lehiaketa publiko berri bat deitu beharretan dagoela Udala. Eta ez da kontratu bakarra egoera horretan, Etxez Etxeko Laguntza Zerbitzua ere, horietariko beste bat baita. 

Informazio hauen ondotik, hau guztia argitzeko, Ikerketa Batzorde baten osatzeko eskaera egingo du gaurko Udal Osoko Bilkuran, Abotsanitz udal tzaldeak. 

Irungo kasuaren, aldean, Txomin Sagarzazuk salaketa plazaratu zen momentu berean eman zituen azalpenak. Udalak kontratuen kudeaketarako eta lehiaketa publikoen plieguak osatzeko zailtasunak dituela aitortu du, baina bitartean, ezinbestekoak diren zerbitzuak, eman, ematen diren heinean, ordaindu ere egin behar direla.

Gainerakoan, gaurko udal osoko bilkura horretan, 2018ko aurrekontuen likidazioaren berri eman, eta inbertsioetarako 9,8 milioi euro ahalbidetuko dituen kreditu modifikazioa onartzera emango dute. 

Abotsanitzek iragarri du, 47 inbertsio edo proiektuak, banan-banan bozkatzea eskatuko dutela. 

Bestalde, eta Abotsanitzek aurkeztuko dituen mozioei dagokienez ere, nabarmendu -Abotsanitzek bere partetik, proposamenak jasotzen dituen zenbait proiektu interesgarritzat jotzen baditu ere, eta kreditu modifikazioa hauek egin daitezen beharrezkoa ikusten badu ere, agintaldi honetan kreditu modifikazioek izan duten emaitza erreala ikusirik, ez da fidatzen. Agintaldi honetan egindako kreditu modifikazioetan onartutako proiektu gehienak ez direlako gauzatu, eta urtez-urte errepikatu dituzte.  

Bestalde, gaurko udalbatzan bi mozio aurkeztuko ditu Abotsanitzek. Batetik, eldiario.es agerkari digitalak plazaratu dituen kultur jardueretarako MONTAI enpresari alkateak dekretu bidez ordaindutako kontratuen ustezko irregulartasunak argitzeko Ikerketa Batzorde baten sortzeko eskaera. 2009az geroztik iraungitako kontratu esleipena izanik, Udalarentzat lanean segitu baitu, 2,3 milioi euro fakturatuz. Hori jakina zen, baina ez EAJ alderdikide baten jabetzako enpresa izanik. 

Eta bestetik ere, orain 80 urte bete dituen Paue ondoan zegoen Gurseko kontzentrazio esparruan izandako 6.500 euskaldunetatik, 49 hondarribiarrak aintzat hartuak izan daitezen, memoria historikoari lotutako mozioa bat ere. 

Jarraian audio guztiak entzungai

Leporatu dizkioten justifikatu gabeko bazkarien aferan, Elkarrekin Podemos gezurretan ari dela dio Jose Antonio Santano alkateak

Og, 04/11/2019 - 14:47

Joan den astelehenean, Irungo Elkarrekin Podemosek Jose Antonio Santano alkateari irundarren diruarekin justifikatu gabeko 70 bazkari egin izana leporatu ondotik, Antxeta Irratiak alkatea sozialistaren erantzuna lortu du gaur, bigarren aldiz galdetu ondotik. Esklusiban Antxeta Irratian. Elkarrekin Podemosek salatu zuen, 2006 eta 2016 urteen artean, justifikatu gabeko bazkarietan 24.000 euro xahutu izana, Trinkete Borda, Iñigo Lavado eta beste zenbait jatetxeetan. Eta 2016ko otsailaren 15az geroztik hainbatetan eskatu eta gero, alkateak ez diela ez fakturarik, ezta norekin eta zergatik edo zertarako egin ziren laneko bazkari horiek argitu ere egin. Antxeta Irratiak gaur galdetu dio alkateari, eta honen arabera, gezurra da Elkarrekin Podemosek salatzen duena. Batetik, fakturak eta zergatik eta zenbat pertsonekin egin ziren bazkari horiek, informazio publikoa izateaz gain, berak eman dielako eskura, eta bestetik, fakturak justifikatuak eta auditatuak daudelako. 

Bukaeran galtzen genion beraz, Elkarrekin Podemos gezurretan ari ote zen. Eta « evidentemente » erantzun du, entzun ahal izan duzuten bezala. Nabarmendu beharra dago, komunikabideek Elkarrekin Podemosek egindako salaketa ontzat eman izana leporatu digula, ea egia ote zen argitu gabe. Antxeta Irratian, aldiz, ez gara balorazioetan sartzen, batzuk eta besteek diotenaren berri ematen baizik. Eta horregatik, entzun ahal izan dituzue alkatearen azalepenak, guztia egia ote den %100ean zehaztu ahal izanik gabe ere. 

Atxikita bere erantzuna (gaztelera hutsean dago)

Larunbatean ospatuko da Jaion jaia!

Og, 04/11/2019 - 14:42

Arratsaldeko 17:30etan finkatua dago lehen hitzordua Moskun bertan, eta hortik aurrera besta izango da nagusi aurtengo edizioan ere. Xehetasunak bildu ditugu

Apirilaren 15ean zabalduko ditu ateak HendaiaKoop proiektuak

Az, 04/10/2019 - 15:16

Hilabete luzeetako lanaren ondotik, eta joan den martxoaren 9an euren burua aurkeztu ondotik, HendaiaKoop epizeria partehartzaile berriak, ateak zabalduko ditu apirilaren 15ean. Goizeko 11:00etan emana dute hitzordua, irekiera ofiziala egiteko. Saltokia Hendaiako hiribarneko Portu karrikan kokatu dute, eta Herriko Etxearen babesa eta laguntza ekonomikoa ere jaso dute abiatze hontan alokairuaren gastuak estaltzeko. Proiektua oinarri sendoekin abiatuko da 100 kooperatiba-kide edo familien partehartzearekin, baina 200era heldu nahiko lukete. Izan erGehiago jakin nahi duenak, hirierdiko Portu karrikan topatuko du epizeria, eta Interneten, www.hendaiakoop.org atarian topatuko dituzue. e, euren ustetan, halako saltoki baten partaide eta kontsumitzaile izateak, abantailak baino ez dakartza.  HendaiaKoop proiektua, Baionako Otsokoop-en eredua jarraituz abian jarri dutela esplikatu digu, Xabi Aranbarrik 

Haurren hobeherraz bigarren topaketa antolatu du Irungo udalak.

Az, 04/10/2019 - 15:13

 Haurrekin dugun komunikazioa errespetuzkoa izan dadin, mugak nola ezarri, eta haurren sentimenduak ez ezik, haiek duten libre jolasteko eskubideaz hausnartarazteko bigarren topaketa antolatuko dute Irunen, maiatzaren 4an.  Joan den azaroaren 20ean, Munduko Haurraren Eskubideen Eguna ospatuko zela aprobetxatuz, Irungo Udalak Haurtzaroaren Ongizateari buruzko jardunaldia antolatu zuen, aurreneko aldiz, Palmera Montero gunean. Eta gurasoei ez ezik, haurrekin harremanetan diren profesionalei zuzenduta izanik. Hain ona izan zen irundarren erantzuna lehen topaketa hartan, eta haurren heziketan gauzak ongi egiteko nahia eta beharra dagoela ikusita, dagoeneko bigarren topaketa antolatu dute, maiatzaren 4an.

Martindozenea, besta egunetarako prest!

Az, 04/10/2019 - 15:05

Irungo Martin dozenea gaztelekuak, aste santuko besta egunen karietara egitarau ezin hobea prestatu du. Ekimenak hilaren 16an asteartearekin abiatuko dira. Aitor Errazkin lankideak, Ane eta Alba gaztelekuko begiraleekin hitzegin du.

Berako udalak Turismo langile bat kontratatu nahi du Aste santuetarako eta udarako

Az, 04/10/2019 - 12:10

Felix Errandonearen omenezko 42.txirrindulari proba burutu zen joan den igandean Beran. Udalak Turismo langile bat kontratatu nahi du Aste santuetarako eta udarako

« Laburbira » euskarazko film laburren zirkuitua Irunen gozatzeko aukera izango da

Ar, 04/09/2019 - 15:12

Aurten bere 16. edizioa bete duen « Laburbira » euskarazko film laburren zirkuitua Irunen gozatzeko aukera izango da, apirilaren 11an. 35 herri bisitatuko ditu, tartean Irun. Amaia Kultur Zentroko hitzaldi aretoan 19 :30etik aurrera emango dituzte edizio hontako 9 film laburren hautaketa bat.  2018an zehar, Euskaltzaleen Topagunean 29 film labur jaso ziren aurtengo Laburbiran, euskarazko film laburren zirkuituan, parte hartzeko. Haietarik 9 aukeratu dituztela epslikatu digu Iban Eguzkitza, Euskara arloko zuzendaria.

Mónica Martínez Euskara arloko ordezkaria (SOINUA)

« Hondarribia Marka » aurkeztu du Udalak

Ar, 04/09/2019 - 15:10

Joan den otsailaren 28an udalbatzan onartu zuten, Hondarribiko irudi korporatibo berria martxan jartzea. Alkateak argitu du, irudi berri honek ez duela Hondarribiko Udalaren betiko harmarriaren irudia ordezkatuko, protokolo, eskutitz eta eremu ofizialean betikoa mantenduko baita. Baina 2013an Turismo Plan Zuzentzailearen lanketa hasi zenez geroztik, Hondarribia markaren irudia egungo beharretara egokitzeko beharra zegoela agerian geratu zen.  Maria Serrano, Turismo eta Mertkataritza ordezkaria 

 

Alarde Fundazioak egindako gonbidapena onartu du Sagarzazu alkateak

Ar, 04/09/2019 - 15:06

Hondarribiko alkateak jakinarazi du, Alarde Fundazioak egindako gonbidapena onartu egin duela. Badira bi hilabete, Alarde Fundazioak irailaren 8an emandako gertaera latzak berriz ere errepika ez daitezen, bizikidetza sustatuko duen elkarrizketarako mahai bat proposatu zuela. Bertan, Alarde Fundazioak berak ez luke zuzenean parte hartuko, Kale Nagusian emandako liskarretan, zuzenean inplikatutakoak baizik. Hau da, plastiko beltzen atzean dagoen Hondarribiko Emakumeak taldea eta Kale Nagusian desfilatzen duen Jaizkibel konpainia. 

Gonbnidapen honi uko egin zion Jaizkibel konpainiak iada, Gipuzkoako Foru Aldundiak abian jarritako elkarrizketarako desmartxan parte hartzen duelako, eta bertan bai, Alarde Fundazioko ordezkariek parte hartzen dutelako, eta ez Hondarribian bertan proposatu den horretan. Hau aurrera atera dadin, mahai horren moderatzaile edo bitartekari lanetan aritzeko Txomin Sagarzazu alkateza gonbidatu zuen Alarde Fundazioak. Eta hainbat aste beranduago, gonbidapena bizikidetzaren alde duen ardura eta erantzunkizunari kasu eginez, onartu egin du.  Alkatearengana jo dugu honi buruz gehiago jakin nahian. 

Orriak