Irungo EH Bildu.- Jada erregistratu ditugu 2022ko udal aurrekontuei egin dizkiogun zuzenketak. Irundarron bizi-baldintzak hobetzea eta Irunen dagoen arrakala soziala txikitzea helburu, bi ardatz nagusitan jarri nahi izan dugu indarra: irungo deszentralizazioan eta gazteei zuzendutako alokairuko etxebizitza publikoan.

LAB eta Ernai.- Ohar honen bidez, LAB sindikatuaren eta Ernai Gazte Antolakundearen artean osatutako gazteontzako lan eskubideen gidaren berri eman nahi dizuegu. 2014an atera genuen lehen aldiz elkarlanean gida, eta oraingoan egungo egoera sozioekonomikora egokitu eta zuzendu egin dugu.

Irungo udaleko Gazteria sailak, herriko gazteen nahi, interesak, kezkak eta eskaerak ezagutu nahi ditu lehen eskutik. Gazteriari bideratutako zerbitzu eta politikak herriko errealitatera ahalik eta hoberen egokitu ahal izateko.

Horretarako prozesu parte-hartzaile berri bat irekiko du (#HIK_IRUN Zuk zer diozu?) non gazteak izango diren protagonista nagusiak.

Gogoeta burutzeko inkesta bat abiatu zuen Otsailan gazteen beharrizanak aztertzeko eta hauek udalaren inguruan duten iritzia ikusteko.