ONEKA Euskal Emakume Pentsionisten Plataforma.- Beste martxoaren 8an kalera atera gara gure aldarrikapenekin, asko baitira, nahiz eta gure aurrekoek borroka hasi zuten, eta urteak igaro arren, ez da aurrerapen handirik ikusten genero desberdineko pertsonen arteko berdintasunean.
Comunicado leído al termino de la pasada manifestación organizada por TAS el 8 de marzo.
Irungo Bildu.- Mezu honen bidez Emakume Langilearen Nazioarteko Egunaren harira Irungo Udaleko bozeramale batzordean atzo adostu zen adierazpenaren berri eman nahi dizuegu. Izan ere, Irungo Bilduk ez zuen babestu Eudelek sustatu eta Bilduk ez beste alderdi guztiek sinatu zuten manifestua, hutsune eta gabezia nabarmenak zirela tarteko. Horren ordez, bozkatzera ere iritsi ez zen testu alternatiboa aurkeztu genuen.
Hemendik adierazi nahi dugu, udalaren ebazpena babestu ez arren honek arratsaldeko 19:00etarako deitu duen elkarretaratzean parte hartuko dugula. Horrekin batera, argi adierazi nahi dugu bete betean egiten dugula bat Txingudi Anti Sexista plataformaren (TAS) deialdiarekin eta dei egiten diegula irungo herritarrei TASek deituta 19:30ean abiatuko den mobilizazioan parte hartzera.
Irungo Bilgune Feminista.- Elkarlanak indartu egiten gaitu. Elkarrekin indartsuagoak gara. Elkarrekin mundua aldatu dezakegu.
Mundua aldatu ez dakigu, baina hilabete honetako egunak kolore ezberdinez eta kontu polit pila batez betetzen saiatu gara hemen bildu garen lagun guztiak.
Eragile desberdinak gara, baina helburu berdina daukagu, batean behintzat ados gaude, denok herri feminista bat nahi dugu, pertsona guztiak berdintasunean bizi ahalko diren herria.
Eta horretarako, arlo ezberdinetatik, Martxoaren 8a barnebiltzen duen hilabete honetan, ekitaldi anitzak antolatzen saiatu gara, bakoitzak gure esparrutik, ekarpena egiten saiatu.
