Iaz bezala, aurten ere Diputazioak aurrekontu parte hartzaileak martxan jarri ditu Gipuzkoako eskualdeetan.
Bidasoaldean trabak jarri ditu Irungo Udalak eta honek atzerapena ekarri du prozesuan.

Halere, partaidetzazko aurrekontu hauek martxan jarriko dira Irun eta Hondarribiako hainbat talde, elkarte eta auzo elkarteen inplikazioaz. 2 milio euroko aurrekontua herritarron hitz eta erabakiaren esku jarriko da.

Herritarren Partaidetzarako Foru Zuzendaritza.- Gipuzkoako Foru Aldundiak gaur salatu du Irungo Udal Gobernua Partaidetzako Aurrekontuen ekimena oztopatzen ari dela. Partaidetzako Aurrekontuak Gipuzkoako 10 eskualdetara hedatzeko asmoa zuen GFAk aurten, baina Bidasoaldeko parte hartze prozesua geldirik dago momentuz.

"Partaidetzako Aurrekontuen ekimena Bidasoaldeko herritarrentzako onuragarria da, baina ez, ordea, Santanorentzat. Eta horregatik ari da boikoteatzen", salatu du Foru Aldundiak. Trabak traba, "irundarrekin eta hondarribiarrekin duen konpromisoa betetzeko alternatibak bilatzen ari gara", esan du Maider Otamendi Aurrekontuetako zuzendariak.

EH Bildu.- Irundarrok eta Hondarribiarrek 500.000 euro zertan erabili nahi ditugun erabakitzeko aukera dugu Gipuzkoako Foru Aldundiak martxan jarri duen "Partaidetzazko Aurrekontuak" ekimenari esker.

Aurreko astean zein aste honetan burutzen ari diren tailerretan  herritar askok  hartu dugu parte eta proposamen ugari atera dira. Oraindik azken tailer bat geratzen da, datorren  osteguna ekainak 5ean Ducourau jauregian (Mondragon Unibertsitatea dagoen tokian) egingo dena. Proposamenik baduzue eta aurkeztu nahi izan ezkero horra hor aukera.