Lakaxita gaztetxea .- Aurtengo egoera dala ezin izan dugu ez Jaion ez ekitaldi handirik antolatu, eta horregatik gure gaztetxean historiaren hainbat irudikin egutegi bat itea okurritu zaigu. Hau zabaltzeko aukera baduzue asko eskertuko genuke. Sare sozialen bitartez zabaltzen ari gara mezu eta argazki honekin batera.
'Zero' izeneko lan berriarekin dator Lakaxitara Xabi Basterra, Euskal Herrian nahiz atzerrian kutsu intimoko kontzertu ugari eman dituen musikaria. "Zintzotasuna, samurtasuna eta sendotasuna" aldarri dituen diskoa aurkeztuko digu, gaztelaniaz gehienbat, baina baita euskaraz ere kantatutako folk doinuekin.
Ostegun honetan, otsailak 6, beste kontzertu akustiko bat izango dugu Irungo Lakaxita Gaztetxean: Nafarroa Behereko Ekhi Lambert musikariak Haustura bere azken diskoa aurkeztuko du. Seitan taldean ezagutu genuen sortzailea Miguel Etcheverry eta Yoan Arostegui musikariez lagunduta etorriko da. Tradiziozko folkaren oihartzunak dituzten amodiozko kantuekin osatuko dute kontzertua.