antxetamedia.eus

antxetamedia.eus jarioa-rako harpidetza egin
Eguneratua: duela ordu 1 min 1

Bidasoko Ospitalean prest daude Coronavirusa luketen eriak artatzeko

Az, 03/11/2020 - 14:03

Antxeta Irratiak jakin ahal izan duenez, Bidasoko Ospitalean arnas-bideetako eri guztiak planta berean instalatu dituzte, eta eman daitezkeen koronabirus kasuak bakartzeko oheak prestatzeaz gain, osasun zerbitzuetako langileek formakuntza jaso dute, eta kutsatzea sahiesteko lanerako material berezia erabiliko dute.

Eskoletan, aldiz, Hezkuntza agintaritzatik, eskola garaian ikasleak eskuak egunean 5 alditan garbiarazten dituzte, doministiku ukabilarekin kontra egitea, eta beste zenbait gomendio eman ditzute. Baita gurasoeri ere, Eusko Jaurlaritzak galdegin baitu, haurrei goizetan tenperatura neurtzea, eta sukar puntu bat eukiz gero, haurrak eskolara ez eramatea.

Baina adineko pertsonak dira COVID-19 birusak gehien kolpatzen dituen pertsonak, eta hor biszitak mugatu eta neurri murriztaileak hartu dituzte eskualdeko adineko erresidentzietan.

 Saioa Elosegi, zahar-etxe bateko medikuarekin hitz egin dugu

 

Irungo udaletxeak, Eusko Jaurlaritzak bultzaturiko  « Asteklima 2020 » aldaketa klimatikoari buruzko astearekin bat egin du

Az, 03/11/2020 - 13:50

Egitaraua martxoaren 30an hasi eta apirilaren 3a arte zabalduko da.  Aitor Errazkin lankideak, Borja Olazabal, Irungo udaletxeko ingurumen zinegotziarekin hitzegin du

Apirilaren 2an ospatuko da Enplegu Foroaren 3.edizioa

Az, 03/11/2020 - 13:44

Hendaiako herriko etxeak, tokiko ekonomia sustatzeko helburuarekin, ekimen eta jarduera ezberdina martxan jarri ditu. Egitasmo nagusiak, « Laneko » egituraren bitartez bideratzen dituzte. Aurten, « Enplagu foroaren 3. Azoka” antolatu dute. Bidasoaren bi aldeetako enpresa, erakunde eta egitura ezberdinak parte hartuko dute. Aurtengo foruma, apirilaren 2an, Irandatzeko kiroldegian iragango da. Aitor Errazkin lankideak, Iker elizalde, Hendaiako auzapezaordea eta Mikel Berra, Sokoako kudeatzailearekin hitzegin du

Hondarribiko gazte asanbladak manifestaldia deitu du martxoaren 21ean

Ar, 03/10/2020 - 21:13

Joan den astean Ertzaintza Egiluz jauregiaren desalojoan 5 gazte identifikatu ondotik ere, arratsaldean Gipuzkoa Plazan egindako elgarretaratzean beste bi lagun gehiago identifikatu zituztela salatu dute, Ertzaintza egiten ari zena grabatzeagatik, "Mozal Legean" oinarrituta. 

Nolanahi ere, gaztetxea beharrezkoa dela aldarrikatzeko, borrokan jarraituko dute. Eta "Elkartasuna antolatuz Gaztetxeak defendatu" lelopean manifestazioa egingo dute, martxoaren 21ean, Correos-etik abiatuta, arratsaldeko 19:30etan. 

Manifestaldirako deialdia duzue entzungai

Hondarribiko Udalak bere lehen Berdintasun Plana onartuko du heldu den osteguneko udalbatzan

Ar, 03/10/2020 - 21:12

Berez, otsailaren 27an onartu nahi zuen Udal Gobernuak egindako proposamena, baina oposiziko udal taldeek proiektuan parte hartu duten herriko eragileekin bilkura baten beharra zegoela eta, plenoa atzeratzea eskatu zuten. Koldo Nausia lankideak batu ditu xehetasunak

CPIE Itsasbazterrak udaberriko Garbiketa Handia proposatzen du martxoaren 21erako

Ar, 03/10/2020 - 21:04

Hendaiak dituen 10 kilometro kostalde eta ibai-ertze garbitzeko deialdia luzatu diete herritar, elkarte eta lantegiei. Goizeko 9:30etan hitzartuko dira aurten antolatu dituzten sei biltze puntuetako batean. Eskularruak eta oinetako egokiak eramatea galdegiten dute, zabor-poltsak eta gainerako materiala antolatzaileek emanen dute.  Eta 11:30etarako Zokoburuko merkatuaren parean elkartuko dira, bildutako hondakinak pisatu eta berziklatu ahal izateko bereizteko lanak egiteko. Antolatzaileek eskertuko lukete, partehartzeko asmorik duen orok aldez aurretik telefonohonetara deituz abisatzea, 05 59 74 16 18. 

Laurence Elizetxe, CPIE erakunde misio karguduna

Berako San Jose Zahar etxean aste kulturala bertan behiti utzi dute eta bisitak ere murriztu dituzte, koronabirusaren ondorioz

Ar, 03/10/2020 - 07:53

Eta bestalde, Joseba Irazokik, bere musikari ibilbideari buruzko hitzaldi-kantaldia eskeiniko du bihar Beralandetan

Milaka pertsona atera ziren atzo kalera jendarte feminista bat aldarrikatzera

Al, 03/09/2020 - 10:01

Indar erakustaldia egin zuten Bidasoa eskualdeako eragile feministek igandean. Milaka lagun bildu zituzten Hendaia, Irun eta Hondarribiko karriketan, emakumeen eskubideen alde. Ibilbidean zehar arrakala handienak pairatzen dituzten emakumeen sektoreak aintzat hartu zituzten, zutabe ezberdinak biltzeko guneetan. Hala pentsiodunen mugimenduak, emakume kirolariak, erresidentzietako langile eta zaindariak, indarkeria matxistaren biktimak edota Hondarribiko alarde feminista baten aldeko aldarria ere, plazaratu zuten ozenki.

Emakume bakotsak, herri bakotsak badu bere errealitatea, eta hiru herrietako agintariek ere abiadura ezberdinetan ari dira berdintasunaren aldeko urratsak ematen. Baina kaletik, herriak duela gizarte aldatuko argi dute denek.

Emakumeen errealitatetik elkarrekin borrokatuko dutela aditzera eman zuten. Aurreneko urtea baita, hiru herrietako eragile feministek elkarrekin, hiru herrietako kaleak hartzen dituztela.

Hendaiako Bagera kolektiboko Itziar Varela, Irungo Gaurko Andreak elkartea eta Hondarribiko Emeki elkarteko Tamara Sastre ditugu entzuten.

Manifestazioa jaigiroan iragan zen, baina tentsio pundu bat ere izan zuen Hondarribiko Alde Zaharraren sarreran. Jaizkibel konpainiako kideek alarde parekidearen aldeko ekintza bat egin zutenean, manifestazio osoak "Emakumeak alardean" aldarrikatzen hasi zen Kale Nagusira sartzerakoan, eta aldameneko EAJren Batzoki parean antolatua zen Mutxikoen dantzan ari zen herritar talde batek, musika ozenago jarri eta irrintzika manifestazioa mespretxatu zutelarik.

Hala eta guztiz ere, alarde parekide baten alde zeharkatu zuten Alde Zaharra.

Hendaiako bozetarako hautagaien mahainguruak, ikusmin handia piztu zuen

Al, 03/09/2020 - 09:54


Hendaiako herriko etxeko batzar aretoa mukuru bete zen ostiralean, Antxeta Irratiak antolatutako hauteskunde debatea jarraitzeko. Bertan, Kotte Ezenarro “Hendaia zuekin” taldeko zerrenda burua eta egungo auzapeza,Laetitia Navarron ·Hendaia Biltzen” taldeko zerrenda burua,Pascal Destruhaut “Goazen aitzina” taldeko zerrenda burua eta Laurent Tariol Komunisten zerrenda buru giza parte hartu zuten. Segidan, debate osoa entzuteko aukera eskeintzen dizuegu:
 

M8 indartsu gure eskualdean

Or, 03/06/2020 - 17:41

Mobilizaziorik ez da faltako asteburu hontan, Martxoak 8aren harira. Irunen, Udaleko Berdintasun Batzordeak deitutako ohiko elgarretaratzea izango da batetik, eta aurten bigarrenez, Irun, Hondarribia eta Hendaiako eragile feministek osatzen duten Bidasoko M8 Asanblada Feministak deitutako eskualde mailako manifestazioa bestetik. Irungo Udalak San Juan plazan deitutakoa, orduz aldatu behar izan dute azken momentuan. 11:45etan deitua baitzuten, baina ordu horretan M8 Asanbladak deitutakoa gurutzatuko du Irungo hirierdia. Beraz, 11:00etara aurreratu dute. Eta udaletxeko aurrealdea argi morez argiztatuko dute bihar eta etzi gauetan.

M8 Asanbladak deitutako mobilizazioa, aldiz, Hendaiatik abiatuko da, eta Irungo eragileekin bat egin ondotik, Hondarribian bukatuko dute ekintza igande eguerditan.

Itziar Varela, asanbladako kidea eta Hendaiako Bagera kolektibo feministako kidea da. 

San Pedro kalean, Gran Sol aldameneko plazatxoan bukatuko da manifestazioa, eta manifestua irakurri ondotik, tupper bazkari alaitua antolatu dute Arma Plazan.

Nolanahi ere, eskualdeko eragile ezberdinek bat egin izanaren garrantzia nabarmendu nahi izan dute. Hendaia, Irun eta Hondarribiko herriko etxeetan berdintasun politiketan abiadura ezberdinetan ari badira ere, gizarte antolatuak duelako hori bultzatuko.

Itziar Barela, Hendaiako antolatzaileetariko batekin hitz egin dugu 

Bere buruaz beste egin duen pertsona migratzailearen aldeko elgarretaratzea

Or, 03/06/2020 - 17:39

Azkenaldian Grezian, Hungarian edota Baionan migranteek jasandako gehiegikeriak salatzeko elkarretaratzea egingo dute bihar, bide batez, Zaporeak elkarteko kideei sostengu eta elkartasun osoa adieraziz.

Baina gure Irun-Hendaia arteko mugan emandako gertakari larri bat ere salatu nahi dute. Izan ere, azaroaren 29an Hendaiako erretentzio zentrotik ihes egin zuten bost migratzaileetako bat zendu da Baionan. Marokoarra jatorriz, 19 urteko migratzailea bere burua urkatu zuen Baionako presondegian, ihesaldian atxilotua izan ondotik, eta ospitalean hil zen biharmaunean. Otsailaren 26an eman zen hau, baina orain jakin izan da gertatutakoa.

Hendaiako erretentzio zentrotik emandako bost migratzaileen ihesaldia, Intzura auzoan bukatu zen lau arrestaturekin, eta bosgarrena Bidasoa ibaian erreskatatu behar izan zuten, igerian Irunera zeharkatzen saiatzen ari zela. 

Honengatik guztiagatik, bihar Baionako espetxearen aitzinean elgarretaratzea deitu dute goizeko 11:00etan, Cimade, Etorkinekin, Ongi Etorri Errefuxiatuak eta SOS Arrazakeria erakundeek. Gurean, berea egin du aldarrikapena Harrera Sareak, San Juan plazan.

Amaia Oca Harrera Sareko kidea

"Biriatuko herriak, gardentasunean oinarritutako herriko etxe bat merezi du"

Or, 03/06/2020 - 17:25

Bi zerrrenda aurkeztuko dira Biriatun udal hauteskundeetan. Alde batetik 31 urtez Biriatuko alkatetzen den Michel Hiriarten zerrenda eta bestetik, Biriatuko Geroa taldearen zerrenda. Solange Demarcq zerrendaburu duelarik. Gaurkoan, Biriatuko Geroa taldearekin hitz egin  dugu,horretarako zerrenda hontako bi kide gonbidatu ditugu. Iñaki Lekuona eta Ttittof Harambour. Aipatu ditugun gaien artean : kudeaketa eredu berri bat, gardentasuna, ingurumen politika eraginkorra, tokiko ekonomiaren egoera, mugikortasuna, euskara…etb

Irungo Elkarrekin Podemos-ek memoria historikoan aurrerapausoak emateko hainbat konpromiso lortu ditu Udal Gobernu sozialistaren partetik

Og, 03/05/2020 - 14:00

Datozen lau urteetan, Gerla Zibilak eta ondoko frankismoaren errepresioak Irunen eragindakoak aztertu eta merezi duen bezala jaso eta jakinarazteko ekimenak burutu ahalko dira horri esker. Koldo Nausia lankidea mintzatu da alderdiko idazkari nagusiarekin, aurrera eramango dituzten ekimenen berri jasotzeko.

Gaztetxea desalojatu dute goiz honetan Hondarribian

Og, 03/05/2020 - 13:50

Hondarribiko Egiluz jauregia okupatu eta 11 hilabeteren buruan desalojatu dute Hondarribiko gaztetxea. Ertzaintzaren operatibo ikusgarri baten bidez, joan den azaroaz geroztik epaileak agindutako inminentea zen desalojoa gauzatu da horrela. Goizak luze jo du Alde Zaharrezko Juan Laborda kalean. Goiz honetan gertaturiko guztia bildu dugu kronika honetan

Abiatu da martxoa euskaraz hilabetea Hendaian

Og, 03/05/2020 - 12:31

Urtero legez, euskararen hilabetea antolatu du Hendaiako herriko etxeak martxoan. 

Michelle Muinoz euskara zinegotziarekin hitz egin dugu eta egitarauaren berri eman digu besteak beste

M8 an Beran antolatu dutenaren berri jaso dugu

Og, 03/05/2020 - 11:59

Martxoaren 8aren  harira Beran eginen diren ekitaldien berri eman digu Julen Zelaieta lankideak

Hondarribiako gazte asanbladak zintzotasun falta leporatu dio Udal Gobernu jeltzaleari

Az, 03/04/2020 - 14:12

Egiluz jauregia desalojatzeko mehatxu inminente baten aurrean aurkitzen diren bitartean, azken asteetan astero ari dira biltzen Udala eta Gazte Asanblada. Baina alkateak Antxeta Irratian egindako adierazpenetan, eliza eta gazteen arteko bitartekari lanak egiteko bere burua aurkeztu izana ez dela egia adierazi dute gazteek.

Desalojoa ekiditeko aukerak badirela defendatzen dute gazteek. Aldiz, Udalak bertatik kanporatuak izatearen aldeko hautua hartua dutela salatzen dute. Izan ere, eraikinaren segurtasun arazoak argudiatuta, Udalak Egiluz jauregia erosi edo alokatzeko aukera baztertu egin baitu, desalojoa sahiesteko gisa.

Gazteek argi dute, eraikina zaharkitua dagoela, baina ez datoz bat Udalak argudiatu duen gazteen segurtasunarekin agertutako kezkarekin. Izan ere, Udalak aipatzen duen informe teknikoa ez da inondik ageri, eta azterketa ofizialak egin ditzan galdegin izan diote Udalari.

Anartean, eta desalojoa edozein unetan eman daitekeelarik, gazte asanbladak bere proiektuarekin jarraitzeko asmoa agertu du. Horren adierazle, ostirala hontan 20:00retan antolatu duten bertso-saioa. Bien bitartean, desalijoa gauzatuko balitz, Olagarro elkartean egingo lukete.

Urko Iridoy gazte asanbladako kidea

Naturaren txikizioa txikikerian geratu ez dadila eskatu dio Abotsanitzek alkateari

Az, 03/04/2020 - 13:59

Joan den udan Higertoki enpresak Zaldunbordako Gaina eremuko hamar hektareatan udal baimenik gabe egindako zuhaitz kimaketa eta betelanek 500 euro isuna jaso du. Txomin Sagarzazu alkateak otsailaren 27an dekretu bidez agindu du isuna. Abotsanitzek egin zuen salaketa Irungo Ertzaintzaren komisaldegian, eta alkateak berak aitortu zuen lanak «klandestinoak» izan zirela. Abotsanitzek salatu duenez, alkateak arauhauste arintzat jo du gertatutakoa, eta legeak zehazten duen zigorrik txikiena ezarri dio. Isuna lurrak baimenik gabe mugitu izanagatik ezarri dio Udalak. Hori baita udal eskumenekoa. Baina moztutako zuhaitzak ez ezik, errekasto baten inguruetan betelanak egin izana URA Agentziak aztertu beharko du. Dena dela, Aiako Harria-Jaizkibel korridore ekologikoan 100.000 metro koadro «txikitu» izanak zigor sinboliko batean gera ez dadila exijitzen dio alkateari Abotsanitzek. Anartean, Zaldunbordako Hondarribia Outlet Village proiektuarekin aurrera jarraitzeko asmoa agertu du Higertokik. Eta Antxeta Irratiak jakin izan duenez, joan den abenduaren 18ko ez ohiko udalbatzan Udal Gobernu Jeltzaleak proiektua ahalbidetzen zuen hasierako planaren onarpenaren alkate-dekretu atzera bota ondotik, Higertokik helegitea aurkeztu omen du. Horri esker, hasierako proiektuari eusteko aukerak baditu. Bestela, proiektua hutsetik hasi beharko luke enpresak, eta Merkataritzagune Handien Lege berriaren arabera, 15.000 metro karratuetara mugatu beharko lukete.

Igor Enparan Abotsanitzeko kidearekin hitz egin dugu

Irungo udaletxeak, eusko jarlaritzak bultzaturiko  « Asteklima 2020 » aldaketa klimatikoari buruzko astearekin bat egin du

Az, 03/04/2020 - 13:55

Egitaraua martxoaren 30an hasi eta apirilaren 3a arte zabalduko da.  Borja Olazabal, Irungo udaletxeko ingurumen zinegotziak, aldaketa klimatikoari aurre egiteko sentzibilizazio ekimenak indartu behar direla azpimarratu du Irunen antolatu dituzten ekimenei dagokionez, “Aldaketa klimatikoaren aurrean aktibatu zaitez” izen burua duen erakusketa, palmera montero gunean, martxoaren 30etik apirilaren 3ra zabalik egongo da. Bestalde, martxoaren 31ean “Aldaketa klimatikoaren inguruko” mahaingurua:  Jakoba errekondo  agronomo eta paisajista, Arturo Elosegi biologoa ete EHUko irakaslea eta Garazi Auzmendi, biologoa parte hartuko dute. Mahaingurua, arratsaldeko 19.00etan, palmera montero gunean iragango da

Borja Olazabal zinegotziarekin hitz egin dugu 

Akitania Berriak, Euskal Autonomia Erkidegoak eta Nafarroako Foru Erkidegoak osatzen duten Euroeskualdeak  lurraldeek bultzaturiko « transfermuga » proiektuak 7 urte bete ditu

Az, 03/04/2020 - 13:53

Proiektu honen helburua, mugaz gaindiko mugikortasunean laguntza eskeintzea da. Horretarako, Nafarroa,Gipuzkoa eta Lapurdiko garraio zerbitzuen informazio gune amankomuna garatu dute. Aitor Errazkin lankideak, Arola Urdangarin, Euroeskualdeko zuzendariarekin hitzegin du

 

Orriak