antxetamedia.eus

antxetamedia.eus jarioa-rako harpidetza egin
Eguneratua: duela 4 ordu 18 min

Irungo alarde parekideak aurten jeneral berria izango du

Og, 06/27/2019 - 14:37

Maite Bergara Iraeta izango da alardearen zuzendaritza ardura hartuko duen emakumea.  Ekainaren 30ko desfilearendako dena prest dute.  12 konpainiak osatuko dute aurtengo alarde parekidea. Aitor Errazkin lankideak, Maite Vergara, alardearen jenerala eta Aitziber Tranche, Lapitze konpainiako kapitainarekin hitzegin du.

Solaslagunek ikasturte bukaerako besta izan zuten joan den igandean

Og, 06/27/2019 - 14:28

Solaslaguneek ikasturte bukaerako besta izan zuten joan den igandean.
 

Olaizola II-Albisu eta Irribarria-Zabaleta bikoteen arteko partida batekin estrinatuko dute Irungo URANTZU udal pilotaleku berria. Hitzordua datorren astelehenean iraganen da.

Az, 06/26/2019 - 21:50

Irungo San Martzial besten azken egunarekin  eskupilota partida profesionala izanen da. Iaz ezinezkoa izan zen antolatzea izan ere Irungo Uranzu udal pilotalekua eraberritze lanetan baizegoen. 4,5 milioi euroko inbertsioa egin du Udalak, 1934. urteko frontoia egungo beharretara egokitzeko. Ezker pareta orijinala baino  ez dute mantendu berez, eta pilotaleku berriak 727 ikusleentzako tokia du. Uztailaren leheneko partidak 18:00retan jokatuko dituzte, baina goizean aldameneko Urdanibia plazan baserritar eguna ospatzeko jende andana bat biltzen dela probestuta, goizean ate irekiak antolatu dituzte, frontoia nola geratu den ikusi nahi duen ororentzat. Lehen mailako pilotariek estreinatuko dute pilotaleku berria. Zehazki, Olaizola II-Albisu eta Irribarria-Zabaleta bikoteen arteko lehiaz gozatuko dute beratutakoek. Gainera, Victor-Imaz eta Jaka-L. Galarzaren arteko neurketa ere jokatuko dute bertan. Sarrerak, 20 eurotan. Kurpil elkartearen egoitzan (Irungo alde zaharrean) arratsaldeko 18.30etatik 20.00etara eta astelehenean bertan frontoian salmentan jarriko dira.

LGTB harrotasunaren eguna dela eta, Irunen gay eta lesbiana aktibista batzuk, Su Txikiak talde feministaren laguntzarekin batera oroimen ekitaldi bat antolatu dute, ekainaren 28rako.

Az, 06/26/2019 - 14:40

Ekitaldia arratsaldeko 18:00etan burutuko dute Udal Euskaltegiko lorategi ondoan. Aurten urteurren borobil dexente ospatzen dituztela iragarri dute, askatasun sexualarekin lotura zuzena dituztenak: Stonwelleko erreboltaren 50. urteurrena edo Francis travestiaren hilketaren 40. urteurrena. Baita ere, 1939 ez geroztik Nazien kontzentrazioa eremuen ugalketarena, non milaka pertsona erahil zituzten bere orientazio sexualangatik, horietako asko eta asko "sendatzeko" froga basatiak jaso zutelarik. Hau dena hizpide hartuta burutuko dute oroimen ekitaldia.

Nautika eguna antolatu du bigarren urtez Piarres Larzabal kolegioak

Az, 06/26/2019 - 14:32

Itsas aktibitateei loturiko eguna proposatzen dute eta Zokoako Kirol portuan igande hontan goizeko 10etatik aurrera, haur zein helduentzat, Optimista, Katamarana, Paddle.a edo Buia tiratua, proposamen ezberdinak izanen dira. EVI Nautikarekin antolatutako egunaz mintzatu da Maia Muruaga Piarres Larzabal Kolegioko lehendakariarekin, Iurgi Arrizabalagarekin.

Berako erraldoiek jendea erakarri nahi dute taldera eta, UEMAk antolaturiko "Pauso eta salto" udaleku ibiltarien barne, ortziralean Beran izanen dira hainbat gazte

Az, 06/26/2019 - 14:02

UEMAk antolaturiko "Pauso eta salto" udaleku ibiltarien barne, ortziralean Beran izanen ditugu 56 gazte eta asteburu pasa Arantzara joanen dira gero.

Berako erraldoiek, jendea taldera erakartzeko asmoz, ate irekien jardunaldia antolatu dute larunbata hontako ere.Joan den larunbatean antolatu zuten egun bat eta hontan bertzea.

LGTB harrotasunaren eguna gogoan Irunen eta Hondarribian

Ar, 06/25/2019 - 22:04

Fenomena Kultur Elkarteak Hondarribiko LGTBI Eguna antolatu du bigarrenez, aitortza egiteko eta hausnarketarako jardunaldia izatea nahi dute. LGTBI Eguna ospatuko dute bihar Hondarribiko Arma Plazan, Harrotasunaren Egunaren nazioarteko deialdiarekin bat eginez. Lehen aldia da Hondarribia egiten dena, eta Fenomena Kultur Elkartearen eskutik iritsi da albiste ona.

Ernesto Villar Fenomenako kideak argitu duenez, “keinu bat” izan nahi du biharkoak: “Gauza txiki bat izango da, asmo handirik gabea, baina inportantea. Herri mailako keinu bat izatea nahi dugu, gizartea kontra izan duten kolektibo eta pertsonei babesa adierazteko”. Era berean, hausnarketarako eguna izatea nahiko luke Fenomenak, “etxean, kalean, gaiaz hitz egin eta hausnartu dezagun”.

Irunen, aldiz, LGTB harrotasunaren eguna dela eta, aurten Irunen gay eta lesbiana aktibista batzuk, Su Txikiak talde feministaren laguntzarekin oroimen ekitaldi bat antolatu dute, ekainaren 28rako. Ekitaldia arratsaldeko 18:00etan burutuko dute Udal Euskaltegiko lorategi ondoan. Aurten urteurren borobil dexente ospatzen dituztela iragarri dute, askatasun sexualarekin lotura zuzena dituztenak: Stonwelleko erreboltaren 50. urteurrena edo Francis travestiaren hilketaren 40. urteurrena. Baita ere, 1939 ez geroztik Nazien kontzentrazioa eremuen ugalketarena, non milaka pertsona erahil zituzten bere orientazio sexualangatik, horietako asko eta asko "sendatzeko" froga basatiak jaso zutelarik. Hau dena hizpide hartuta burutuko dute oroimen ekitaldia.

"Jule" obra taularatuko dute San Juanen bihar asteazkenez

Ar, 06/25/2019 - 21:55

Antzerkiak ere bere txokoa izango du jaietan, San Juan plazan. Euskaraz gainera. HotzMuga Teatroa konpainiak "Jule" obra taularatuko du San Juanen, bihar 20:00retan. Maia Muruaga lankideak bildu dizkigu xehetasunak. 

Bidasoa Bizirik agentziako Turismo departamenduak eta Hondarribiko Udalak udako aisialdi eta ur-kirol eskaintzaren berri emateko esku-orri bat plazaratu berri du

Ar, 06/25/2019 - 21:48

Udako bisitarien artean arrakasta handia duten jarduerak izanik ere, bidasotarrek ere gozatu eta eskualdea beste molde batez ezagutzeko aukera eskaintzen duen aisialdi eskaintza da. Hondarribiko Udaleko Turismo ordezkaria, Maria Serranok esplikatu digunez, azken urteetan halako itsas edo ur-kirolen jarduerak eskaintzen dituzten elkarte eta enpresen loraldi bat eman dela Hondarribian. Izan ere, 14 dira gaur egun sektorea osatzen dutenak. Eskaintza zabala da, esan bezala. Badira klasikoak, surfa egiteko aukera ematen duten Surf Teknika Eskola, Central Surf edo HS2 Surf Center, stand-up paddle ere eskaintzen duena Hondarribiko hondartzan. Hondarribia Arraun Elkartea arraunketan, Navegavela itsas-belauntzi handietan ateraldiak egiteko aukera ematen duena, edota Hondarribiko Nautikoa edo Itsaskari Baitak eskaini ohi dituenak. Baina ohiko jarduerekin batera, eskaintza berriak ere sortu dituzte eragileak sektorea osatzera datoz. Hondartza parean egiten diren banana boat bezalako jarduerak eskaintzen dituen Water Joy Hondarribia, PescaHondarribia.com, arrantza ateraldiak eta atunen markaje kirol-arrantza proposatzen dituena dira, sortu berri diren eskaintzen artean. Aurtengo nobedadeetako bat aldiz, Hondarribiko hondartzan ikusmina sortu duen egurrezko etxolan topatuko duzute. Kayak-ean eskaintza anitza eskaintzen duen Kayak Basque Country izenekoa. 

 

Jon Abril Eluyar-eko zuzendari eta Izaki Gardenak taldearen kontzertua

Ar, 06/25/2019 - 10:42

Jon Abril beratarra Eluyar elkarteko zuzendari izendatu dute eta, etzi, "kultur 2019" programaren barne, Izaki Gardenak taldeak kontzertua eskeiniko du Berako plazan

Hondarribiko historia eta ondareak gaztetxoenganatzeko helburua duten unitate didaktikoaren bigarren atala aurkeztu dute gaur

Al, 06/24/2019 - 15:28

Arma Plaza Fundazioaren eskutik, hainbat aditu eta profesional ari dira, Hondarribiko Lehen Hezkuntzako ikasleei, oinarri zientifikoa duen, baina haien adinari egokitutako material didaktikoa eskaini nahian. 

Joan den urtean osatu zuten aurreneko unitatea, Lehen Hezkuntzako lehen mailakoentzat. Eta oraingo honetan, bigarren mailakoei zuzendutakoa, “Itsasoa Gara” izeneko liburuxka aurkeztu dute. Lantalde iraunkorraren helburua da, Lehen Hezkuntzako Historian eta bereziki, Hondarribiko historiaz jakitun den Oihana Lekuona, Eñaut Aiartzagoena ilustratzailea, pedagogian aditua Lore Erriondo bera. Miren Ayerbe arkeologoa eta Lurdes Orodiozola historialariaren laguntza jaso dute iradokizunak egiteko. 

Irungo gizarte ongizate arloak, uda hontan adineko pertsoei zuzendutako aktibitateak antolatu ditu.

Al, 06/24/2019 - 15:03

“Udan Gogoz” programaren bitartez, Lekaenea, San Miguel, Belaskoenea, Anaka, behobia eta palmera monteron zabalduak diren guneetan ekitza ezberdinak antolatu dituzte.  Udan Gogoz programaren xehetasunak bildu ditugu, Maria Eugenia Muñoz, Irungo gizarte ongizate arloko teknikariaren eskutik.

Kemen dantza taldeak, jaietako urteroko hitzorduei eitsi die

Or, 06/21/2019 - 18:35

Irungo san pedro eta San Martzial besten irekitzean, San Juan bezperan, san juan suaren inguruan dantzatuko dute. Hitzordu honi buruz eta beste batzuen inguruan galdegin diogu, Ander Amantegi, KEMEN dantza taldeko kideari

Jaiak hastear Irunen, 400 000 inguruko aurrekontuarekin

Or, 06/21/2019 - 18:31

Igande hontatik uztailaren 1a arte, San Martzial eta San Pedro jaiak ospatuko dituzte Irunen. Oinarri parte hartzailea duten 140 egitasmo antolatuko dituzte; udalak 72 burutuko ditu eta beste 68ak Irungo eragileek antolatutakoak dira. Orotara, 400.000 euro inguruko aurrekontua dute egitaraua aurrera eramateko. Aurten Realeko jokalari irundarrek emango diote hasiera jaiei, pregoia irakurriz. Olga Agirre, Irungo kultur teknikaria

Hendaiako herriko etxeak, Olatukoop,ALB eta Andere Naiha elkarte eta kooperatibekin lankidetzan, Euskal Herriko ekonomia Sozialaren Lehen topaketa antolatu dute

Or, 06/21/2019 - 18:28

Ekainaren 21ean iraganen da. Hitzordu honen bitartez, bidasoaren bi aldeetan “ekonomia sozial eraldatzaileraren” inguruan antolatuak diren eragileen arteko sinergiak azkartu nahi dituzte. Iker elizalde hendaiako hautetsia eta Benat Irasuegi OLATUKOOPeko kidearekin hitzegin dugu

 

Jaietan kontuan hartzeko alkohola eta drogen kontsumoari buruzko prebentzio kanpaina, eta indarkeria matxistaren kontrako neurriak aurkeztu ditu udalak hainbat eragile feministekin batera

Og, 06/20/2019 - 19:03

. Uxoa, Bidasoaldeko Elkarte Feminista, M-8 plataforma, Gaurko Andreak Berdintasunaren Aldeko Elkartea eta I-Romi emakume ijituen elkartea aritu dira genero indarkeriaren kontrako jaietako protokoloa lantzen. Udalak eskoletan ez ezik, hiriko ostatuz-ostatu ibili da kanpainaren berri ematen, eta indarkeria matxistaren kontra agertzen diren establezimenduek Protokoloaren telefono morea daraman pegatina borobil more handi bat izango dute sarreran jaietan zehar. Honekin batera, indarkeria matxista edo biolentzia sexistaren biktimaren batekin topo eginez gero, hau laguntzeko, eta erasotzailea identifikatzen laguntzeko egin beharrekoaren berri ematen duten esku-orriak ere banatuko dituzte jaietan. Eta nahi duen orok aukera izango du informatzeko, horretarako antolatuko dituzten informazio puntu ezberdinetan.  Baina jaietan, Prebentzio Zerbitzuetatik ere, urtean zehar alkoholaren eta drogen kontsumoari buruz egiten duten lanari segida ematen diote. Edo indartzen dute. Horren harira, droga sustantziak analizatzeko aukera emango du urtero bezala, Ailaket elkarteak. Eta UDal Prebentzio Zerbitzuak ere, zenbait neurri hartuko ditu jaiguneetan. 

Koldo Zabala, Berdintasun arloko arduraduna, Aitziber Iratzoki, Berdintasun teknikaria eta Hirune Hernandez, Udal Prebentzio Zerbitzuko arduradunarekin hitz egin dugu

Elkarteetan ere berzikla dadin, kanpaina bat abiatu du Txingudiko Zerbitzuak-ek

Og, 06/20/2019 - 18:58

 Irungo jaietan elkarte gastronomikoak jendez lepo egongo diren honetan, Txingudiko Zerbitzuak-ek elkarteekin lankidetzan aurrera daramaten proiektu baten berri eman dute, jendea etxean bezala, elkarteetan ere berzikla dezala bilatuz.  Irun eta Hondarribiko 53 elkarte gastronomikoetan, joan den urtean 230.000 otordu eman ziren. Eta 115 tona hondakin sortu zituzten elkarte guztien artean. Hondakin hauen guttitzeko, berrerabiltzeko eta berziklatzeko kanpaina berezia egin du ikasturte honetan Txigudiko Zerbitzuak-ek elkarteekin lankidetzan.

Amaia Monasterio da proiektuaren eramailea, eta esplikatu digunez, elkarte gastronomikoen erantzuna eta diagnostikoaren ondotik praktiara eramandako ohitura eta hondakinen kudeatzeko eredu aldaketa, oso ona izan da. 

 

Joan den otsailean Alarde Fundazioak Jaizkibel konpainiari egindako mahai baten inguruan esertzeko eskaintza onartu egin du konpainia parekideak.

Og, 06/20/2019 - 18:55

Azken hilabeteotan buruturiko barne eztabaida prozesu baten ondoren erabaki du Jaizkibelek otsailaren 23an Alarde Fundazioak eginiko eskaera onartzea. Jaizkibeli bezala, Joana Mugarrietakoa elkarteari eta Hondarribiko Emakumeak taldeari luzatu zien hitz egiteko gonbita fundazioak. Eta Hondarribiko alkatea bitartekari gisa proposatu zuelarik, Txomin Sagarzazu prest agertu zen horretan laguntzeko. Jaizkibel konpainiaren kasuan, otsailean, baiezkorik ala ezezkorik eman gabe, fundazioaren proposamena “berandu” zetorrela adierazi zuen. Ordurako, Gipuzkoako Foru Aldundiak Hondarribiko Udalaren oniritziarekin elkarrizketa prozesua abiatuta zuen, diskrezioz. Prozesu hori onetsi du Jaizkibelek, eta hitz egiten jarraitzeko erakundeen deiaren zain dagoela adierazi du. 

PSE-EAJ hitzarmenak behartutako aurreneko bilkuraren ondotik, Iridoyk ez dio sinesgarritasunik ematen Santanok agertu duen linea gorririk gabeko elkarrizketari

Og, 06/20/2019 - 18:53

Heldu den astean egingo duten bigarren bilkuran sozialistek «konkrezio gehiago» eta «proposamen zehatz»  bat aurkezteko eskatu diete jeltzaleek. Xabier Iridoyk dioenez, Irunen gobernu akordio posible orok, alkatearen jarrera aldaketa bat eskatzen du, eta Santanok adierazitako asmoak «hitzetatik ekintza bilakatu arte » ez ditu sinistuko.  Irungo alderdi sozialistak Udal Gobernu berria eratu eta zinegotzi karguen banaketa jakinarazi badu ere, Jose Antonio Santano alkateak agintaldiak aurrera egin ahala gobernuan aldaketak eman daitezkeela aitortu du azken orduetan, gehiago zehaztu gabe. Anartean, atzo EAJ eta PSE alderdien hitzarmenak behartuta, Santano eta Iridoyren arteko lehen bilkura egin zuten. Eta zenbait medioetan bi alderdien arteko gobernu koalizio baten aukera dagoela iragarri badute ere, Xabier Iridoy jeltzaleak argi utzi du gaur Antxeta Irratiko mikrofonoetan, «momentuz oposizioan» daudela, eta Santanok adierazi duen linea gorririk gabe negoziatzeko prestutasunari ez diola sinesgarritasunik ematen. Jeltzaleen arabera, «alkateak hitzak ekintza bilakatuko dituenean baino» ez dutelako sinistuko sozialisten jarrera aldaketa. Horren irudiko, momentuz, bi alderdien goiko egiturek adostutako hitzamrneak behartutako lehen bilkura. Atzo eman zen, eta elkarrizketarako prest egotea gauza bat bada ere, elkarrizketari edukia eman behar zaio. Eta atzo proposamenik ez zen mahai gainean jarri ere egin.  Xabier Iridoyrekin hitz egin dugu

Nafarroako gobernuak Memoria historikoko toki izendatu du Berako Argaitzeko harrobia

Og, 06/20/2019 - 18:49

Horrez gain iIzokin denboraldia itxita dago aste honetan. Joan den ortziralean arrantzaturiko 8 izokietatik 3 babestuak izan dira.

Orriak