antxetamedia.eus

antxetamedia.eus jarioa-rako harpidetza egin
Eguneratua: duela 3 ordu 55 min

Hika teatroaren eskutik, "Txarriboda" umorez jantzitako obra taularatuko dute bihar Irungo Amaia KZn, iluntzeko 20:00retan

Or, 11/15/2019 - 13:09

Arrakasta bildu duen antzezlana, musikala dela esan genezake, sei kantari eta abeslari biltzen baititu eta zuzenean abestu eta kabaret modura gozatzeko aukera ematen baitu ere. Baina umorea kritika sozialarekin ere uztartzen du, euskal usadio zaharra den txerriaren hilketaren txarriboda bat aitzaki hartuta. Agurtzane Intxaurraga zuzendariak esplikatu digunez, casting zorrotza ere egin zuten abeslarien maila bermatzeko, eta proiektu borobila osatu dute.  Sarrerak 14,60 eurotan dira salgai Luis Marianoo turismo bulegoan eta irun.org/entrada atarian. Bihar Amaiako lehiatiletan ere eskuratu daitezke, eta 9,60 eurotan, bost merkeago, langabetu eta gazteentzat. 

Irungo Elkarrekin Podemos Ahal Duguk Higertoki SL enpresak Zaldunborda Gainan gauzatu dituen ekintzak salatu ditu

Or, 11/15/2019 - 13:04

Irungo Elkarrekin Podemos Ahal Duguk bere partetik, Higertoki SL enpresak Zaldunborda Gainan, Hondarribiko gobernu-taldearen babesarekin, dagoeneko gauzatu dituen ekintzak salatu ditun, eta garatu nahi duen Outlet Village delako megaproiektua gelditu behar dela aldarrikatzeko agerraldia egin du gaur. Izan ere, urrian Plan Partzialaren hasierako onespenari eutsiz, enpresa lanean hasi da Zaldunborda Gainako lurrak egokitzen, horretarako zuhaitzak eta landare guztiak suntsituta, eta Jaizkibel - Aiako Harria korridorea mehatxatuz. 

Gauzak honela, eta oraindik garaiz gabiltzala sinetsita, EAJk eta PSEk adierazi dituzten kontraesanak kontuan hartuta, proiektua geldiarazi dezatela eskatu diete, Gipuzkoako Elkarrekin Podemos-eko batzarkidea den, Maria Valiente irundarrak, eta Miren Etxebeste zinegotziak. 

Elkarrekin Podemos-etik nabarmendu nahi izan dute gaurkoan ere, Hondarribian sortu den Zaldunborda Gelditu plataformarekin bat egiten dutela. Eta alde ekonomikoaren partetik, jeltzaleek defendatzen dituzten proiektuak sortuko omen dituen 2.000 lanpostuen aurrean, halako proiektuek sortzen dituzten lanpostuen bikoitza galarazi ohi dituztela bere inguruan eragindako kalteengatik

 

 

 

 

Miren Etxebeste 

Ihauteriei begira Irunen

Og, 11/14/2019 - 15:01

Irunen otsaileko inauterietako kabalgata prestatzeko lehen bilerak egin dituzte dagoeneko Udalarekin. Berez, irailaz geroztik ari dira eskoletako guraso elkarteetatik eta Irungo kultur elkarteetan mozorroak eta koreografiak prestatzen. 

Santiagoko Deabruak kultur elkarteak, aldiz, antolaketa serioski hartzen badu ere, ondo pasatzea eta katxondeoa dute helburu haien hitzetan. Eta nahi duen bidasotar orori deia luzatu diote eurekin bat egtin dezan. Konpartsa honetan parte hartu nahi duen orok, jakin dezala, larunbata hontan 17:00etan bilera egingo dutela Arbesko Errotan duten egoitzan. Bestela ere santiagoko.deabruak@gmail.com-era idatzita argibideak emango dizkizuete. 

Juanjo Toledo elkarteko kidea

Antxo Handiaren eskulturaren magalean dagoen lurraren deskontaminaazio lanak hasi berri ditu Hondarribiko Udalak.

Og, 11/14/2019 - 14:58

Hondarribiko Higerreko bidean dagoen, Azeri elkartearen San Telmoko tiroketa eremuaren parean, Antxo Handiaren eskulturaren magalean den ezponda urte luzetan zabortegi gisa baliatu izan da. Orain lurren deskontaminaazio lanak hasi berri ditu Hondarribiko Udalak. 

Eusko Jaurlaritzaren Lur Kutsatuen Katalogoan zegoen lur-eremu hau, eta 2013an Ingurumen Administrazioaren Zuzendaritzak agindutako ebazpena betetzeko, 152.000 euroko aurrekontua duten lanetarako jaurlaritzak berak dirulaguntza eman dio Udalari. 

Nabarmendu dutenez, ez dago osasunarentzako arriskurik, baina euri urak lurretan sartu eta urteen poderioz hondakinen zikinkeria lurrazpiko sakonean filtratu dezakete. 

Hortaz, lurrak garbitu beharretan ziren.  

Bertan ziren zuhaitzak kendu eta gero, bi garabi ari dira lurra altxa eta kribatzen, ondoren 50 zentimetroko betelanak egingo dituztelarik. 

Aroak lagunduko badu gabonetarako bukatuko dituzte lan horiek. 

Horretan dihardun Sasoi enpresako ordezkariak esplikatu digu zertan ari diren. 

Emakumezkoen futbola greba mugagabean

Og, 11/14/2019 - 14:51

Emakumezkoen euskal futbol taldeak greba mugagabera joango dira, Ligako Kluben Elkarteak, Espainiako Iberdrola Ligako jokalariek galdegindako lan hitzarmen berriari uko egin ondotik. 

Hala, beraz, Champions-eko partidetan ez du eragingo, eta jokalariak asteko bost entrenamenduekin jarraitzea deliberatu dute, baia ez dituzte Ligako norgehiagoka gehiago jokatuko entzunak izan arte.

Bilboko Athletic eta Donostiko Errealeko jokalari guztiek bat egin dute greba mugimenduarekin. Aldarrikatzen dituzten lan baldintza minimoak direlakoan baitaude. Urtean 12.000 euroko guttieneko soldataz gain, emakume langile diren heinean, ama izateko eskubidea bermatuko dien Haurdunaldi-Amatasun hitzarmen soziala, kirolari diren heinean min hartuta dauden garaietan soldataren ehuneko ehuna jaso ahal izaitea galdegiten dute. 

Sara Olaizola irundarra, Errealeko erdilaria da 

 

Espainiako kongresurako hauteskundeen emaiktzak :Irun, Bera eta Hondarribia zehatz mehatz

Ar, 11/12/2019 - 15:55

Joan den igandeko Espainiako kongresurako hauteskunde legislatiboen ondotik, atzo jai-eguna izan genuen Ipar Euskal Herrian. Baina eskualdeko datuen bilana egin dugu honezkero, baita auzoz-auzo ere. Abstentzioaren gorakadaz haratago, emaitzek ez dute ezusteko handirik eman gure eskualdean. Berako emaitzak ere, entzungai dituzue

FICAB Bidasoko Zinema Arkeologikoko Nazioarteko Jaialdia azaroaren 18tik 23ra ospatuko da

Ar, 11/12/2019 - 15:48

Urtero bezala, Amaia Kultur Zentroa izango da ikerketa arkeologikoaren eta historiaren dibulgazioa helburu duen festibal zinematografiko honen erdigune eta agertoki nagusia. Baina Irungo CBA Kulturgunean, Donostiako Aquariumean eta Hernaniko Orona Fundazioaren auditorioan ere eskainiko dituzte proiekzioak. 

Donostiako Aquariumean, itsas-ondareari buruzko hiru lan eskainiko dituzte. XX. edizioaren atarian aurkitzen den festibala, dagoeneko aski sendotua dagoela erakutsiko du aurten ere Arkeolan Fundazioak duela 19 urte martxan jarritako proiektuak. Izan ere, Venezuela, Hego Korea, Egipto, Finlandia, Frantzia, Alemania edota Hego Afrikako film eta dokumentalak jaso dituzte aurtengo edizioan. 53 orotara, eta horietarik 24 lan aukeratu ditu Mikel Olaziregi buru duen epaimahaiak. 

Honek nabarmendu duenez, arkeologian, historian, artean eta zinemagintzan adituekin, epaile lan orekatua egingo dutelakoan dago, epaimahaiko presidentea. 

 24 an izango dira guztira bost egunetan. Aurrenekoa, aurtengo kartelaren irudia daraman Tutankamon faraioari buruzko dokumental batekin. Eta itxiera edo klausura ekitaldia Amaia Kultur Zentroan izango da azaroaren 23an. Egun horretan, Irungo Harrera Sareak gure eskualdean migranteak laguntzen egiten duen lanaren berri ematen duen "Paseko Txoriak" dokumentalaren proiekzioarekin, joan den urtean zendu zen Juan Miguel Gutierrez, "Guti" zuzendaria omenduko dutelarik. 

Xehetasun gehiago bilduko ditugu berehala Ipar Orratza saio hontan, aurten FICAB zinemaldiaren gidaritzan Mari Jose Noain-i lekukoa hartu dion Aizpea Goenaga zuzendari berriarekin.  

Xabi Lasaga, Aquariumeko kultur jardueratarako zuzendaria (SOINUA)

Mikel Olaziregi (ELK LABUR)

Urtebete, "hitza hartu zenetik"

Ar, 11/12/2019 - 15:45

Heldu den azaroaren 18an, aldiz, urtea beteko da Irungo herri kontsulta egin zenetik. Ahalduntze prozesu partehartzaile luze baten ondotik, egun hartan 4.891 irundarrek parte hartu zuten estatus politikoari buruz eta erabakitzeko eskubidearen inguruan bere iritzia emateko kontsultan.  Baina kontsulta egin bezain pronto iragarri zuten, hura abiapuntua baino ez zela. 

Horrela, heldu den azaroaren 16an eta herri kontsultaren lehen urtemuga aitzakia hartuta, "Herri Kontsultatik, Erreferendumera" lelopeko ekitaldi bat antolatu du Hartu Hitzak, Gure Esku Dagoen hurrengo fasean sartzeko atarian dagoela iragartzeko. 

Herri Galdeketa egin zenetik urtebete ondoren, atzera begiratu, eta orain ohartzen hasiak dira herri kontsultak suposatu zuenaz, irundarren ahalduntze demokratikoari buruz. Baina hurrengo urratsa emateko prest dira. Eta heldu den larunbatean goizeko 11:00etatik aurrera San Juan plazan emango dute horren berri aipatutako ekitaldian. Datozen asteetan bilkurak eta internet bidezko plataforma batetan ere ekarpenak egin ahal izango dira prozesuan. Etanabarmendu beharra dago, San Juan plazako ekitaldian, ekimena sustengatzeko aukera izango dela bazkidetza eginez. 

Bertako kideekin hitz egin dugu

 

Enbata gaztetxearen inagurazioa prest

Ar, 11/12/2019 - 15:42

Hendaiako gaztetxeak urratsak ematen jarraitzen du. 2010. urteko udan hondartza auzoko etxe bat okupatu zutenetik, gazte asanbladak ibilbide luzea egin du euren proiektu autogestionatua garatzeko egoitza egoki bat aldarrikatuz. Orio auzoan 20 urtez hutsik egon ondotik eta sasiak jana zegoen Pariseko Ospitaleen jabetzakoa zen Argi-Hastea etxea urtebetez okupatu ondotik, hustu eta libratu behar izan zuten auzitegien aginduz. Baina Hendaiako Herriko Etxearekin 2018ko neguan isilpeko negoziaketetan egoitza berria lortu zuten. 

Joan den udan Kaneta Portuan Herriko Etxearen jabetzakoa den dispentsario zaharra egokitu zuen honek, gazteek erabil dezaten. Eta azaroaren 30ean irekiera ofiziala ospatzeko besta antolatu dute. Gaztetxearen izena ere aldatu dute. Dagoeneko ez da Sasiko Gaztetxea, Enbata gaztetxea baizik. 

Irati eta Oneka, gazte asanbladako kideekin mintzatu da Koldo Nausia lankidea

Estitxu Pinatxok bere bakarkako lehen lana aurkeztuko du bihar Berako kultur etxean

Or, 11/08/2019 - 11:19

Estitxu Pinatxok bere bakarkako lehen lana aurkeztuko du bihar Berako kultur etxean
 

Kultura eskaintza ederrarekin amaituko du Irunen urtea

Og, 11/07/2019 - 14:18

Irungo Udaleko Kultura departamenduak bere partetik, udazken-neguko kultur programazioa indartzeko lanetan dihardu. Urte bukaera honetarako, izen handiak iragango dira Amaia Kultur Zentroko taulagainetik. Antzerkia, musika, magia eta umorea izango dira. 

Abenduaren 7an Yllana antzerki taldearen MAX Saria jaso duen obraren emanaldia. 

Abenduaren 13an, Hiria Musika Banda Disney errepertorioaren kontzertua

Abenduaren 22an Ismael Serrano

Irungo Hiria Musika Bandak bere partetik bi kontzertua eskainiko ditu datozen asteetan Amaia Kultur Zentroan. Horietariko bat, Espainiako estatuan musikaletan izarra bilakatu den abeslari batekin lankidetzan. 

Garikoitz Gonzalez Munduate, musika bandako zuzendariarekin eta Juncal Eizagirrekin hitz egin dugu 

Irungo Lapitzeko bizilagunek euren auzoa urte batzuk barru nolakoa izango den amesteko prozesuarekin jarraitzen dute.

Og, 11/07/2019 - 14:11

Joan den urriaren 17an egindako aurreneko bilera irekian, auzoaren diagnostikoa egin eta gero, gaur proposamenak egiteko bigarren foroa antolatu dute Elitxu-Lapitze auzo elkartean. Prozesu partehartzaile honen gidaritzapean Hiritik At kooperatiba dago. Lehenagotik ere Landetxan eta iaz San Migel auzoan halako prozesuetan eskarmentua dutelarik.  Horrexeagatik jo zuten Elitxu-Lapitzeko bizilagunek haiengana laguntza eske. Esan bezala, bigarren foroa bihar arratsaldeko 19:00retan egingo dute auzo elkartean bertan. Eta hirugarren saio bat ere aurreikusten dutela esan digute. Ibai Esteibarlanda, auzotarrekin prozesu hau gidatzen ari den Hiritik At-eko ordezkariarekin mintzatuko gara

Biriatuko San Martin bestak ospatuko dituzte bihar hasi eta azaroaren 16a bitartean, egitarau osoaren berri izan dugu

Og, 11/07/2019 - 14:04

Biriatun bertan Antzara Jokoa eta horren baitan Xoldon antolatu ohi duten 600 bat lagunentzako bazkari herrikoia izango dira tradizio handieneko hitzorduak. Eta horren baitan ere, Tripotx afaria ospatuko dute. Bestalde, San Martin bestetarako Biriatuko Besta Komiteak antolatu dituen jardueren inguruan xehetasunak bildu ditugu Joana Durañona, Biriatuko Besta Komiteko kidearen eskutik.  Usadio zaharrez jantzitako bestak dira hauek, gastronomiari lotuta. Tripotx Afariarekin batetik, eta igande hontako Antzara Jokoaren ondotik, azaroaren 16ko Antzara Bazkariarekin ere. Pausuko Xaia ostatuan ere, urtero bat egin ohi dute usadio zahar honekin. 

Xaia ostatuko Beñat Elizondorekin eta herriko besta komideko Joana Durañoarekin hitz egin dugu

"Zaldunborda Gelditu" plataforma eratu berri dute herritarrak, ingurumena herri ereduaren zentroan jartzeko xedez

Og, 11/07/2019 - 13:56

Zaldunbordako Mega Outlet proiektua geldiarazteko helburua duen plataforma eratu dute herriko komertzianteek, herritarrek eta talde ekologistek. Hondarribiko udaletxeko arkupeetan aurkeztu dute goiz honetan. Eragile ezberdinek indar bildu dituzte, Jaizkibelgo magaletan Higertoki S.L. enpresak proiektatua duen 12 futbol zelaien tamainakoa (30.000 metro koadro) izango den mega-outlet village delakoak Hondarribiko bizimodua eta hiri-eredua kaltetuko dituelakoan baitaude. Proiektuak 100 outlet denda, 36 ostalaritza establezimendu eta 11 gasolindegi-surtidore aurreikusten ditu. Eta honek Bidasoa bailaran ez ezik, Gipuzkoa, Nafarroa eta Lapurdiko herritarrengan eta zerbitzuen sektorean erabateko eragina izango duela salatu dute.  Izan ere, proiektu komertzial honek 5 milioi bezero erakartzea aurreikusten du. Eta honek egunean, batezbeste, 11.000  desplazamendu gehigarri suposatzeaz gain, mugikortasun jasangaitzak ekarriko duen kutsadurarekin batera, Jaizkibel eta Aiako Harria natur parkearen arteko korridore berdean kokatua egongo da. Komertzianteen esanetan, bestalde, Zaldunbordako proiektua bururaino eramanez gero, tokiko komertzioen gehiengo baten azkena suposatuko du. Plataformatik jakinarazi dutenez, Txomin Sagarzazu alkatearekin bildu dira. Eta honek argi utzi die proiektuak bere bidea segituko duela. Eta Udal Gobernuak begirunez hartzen duela, enpleguaren ikuspuntutik 2.000 lanpostu inguru sortuko dituela aintzat hartuta. 

Sonia Herce, Zaldunborda Gelditu plataformako kidearekin hitz egin dugu

Bien bitartean, Higertoki SL enpresak udaran zehar Zaldunborda Gaina eremuan egindako lanak «baimenik gabe» egin zituela onartu du Hondarribiko alkate Txomin Sagarzazuk. 

Abotsanitz herri plataformak Ertzaintzan egin zuen gertaera hauen salaketa. Eta herri plataformak berak zabaldu duenez, udal arkitektoaren txosten batek aitortzen du, enpresak zundaketa batzuk egiteko baimena gainditu egin zutela, eta 100.000 metro karratuko eremu horretan, zuhaitz eta sastraka garbiketa, lur betelanak eta erreka bazterretan ere egindako txikizioak ez zuela ingurumen txostenik.  Hau kontuan hartuta, «lan horiek klandestinoak direla ebatzi du alkateak» eta dagokion espedientea ireki du Higertokiren aurka, Lurzoru eta Hirigintza Euskal Legea hausteagatik hain zuzen ere. 500 eta 5.000 euro arteko isuna jaso dezake enpresak horregatik. Aldiz, hilabeteko epean lan horiek legeztatzeko aukera eman dio Sagarzazuk Higertokiri «zuhaitz mozketa eta lurrak betetzeko lanen inguruko baimena eska dezan». Hain justu, lanak legeztatzeko aukera eman diola alkateak enpresari ere kritikatu du Abotsanitzek. 

 

 

 

Berako irakurle klubak gaur hasiko du ikasturtea

Az, 10/30/2019 - 13:55

Eta horrez gain, Berako Labiaga Ikastolak 3 zozketa burutu zituen joan den igandeko Lurraren egunean

Munduko Osasunaren Erakundeak markatzen dituen CO2 kutsadura isurien segurtasun neurritik gora egon da Hondarribia 2018ko 81 egunez

Az, 10/30/2019 - 13:53

Gaur Hondarribiko udalbatzan aztertuko den datu kezkagarria jakitera eman berri du Eusko Jaurlaritzak. Munduko Osasunaren Erakundeak markatzen dituen CO2 kutsadura isurien segurtasun neurritik gora egon da Hondarribia 2018ko 81 egunez. Onargarria gehienez jota 25 egun denean. 

Ideia baten egiteko, Euskal Herriko gune industrialenetan, Durangok 109 eman ditu, eta Bilbok edo Muskizek 23. Gipuzkoa mailan Hondarribiak eman du daturik gorena, gunerik kutsatuena gisa. Andoain 14, Donostiak 18 egun, Azpeitiak 26 edo Zumarragak 36 eman dituen bitartean, 81 egunez onargarria den CO2 kutsadura mailatik gora eman baititu Hondarribiko herriak. 

Irunen ez bezala, Hondarribian aire-kutsaduraren neurgailua martxan da. Kalixa Silanesek aitortu digunez, Hondarribian industria ez dagoela kontuan hartuta, kutsadura hori trafikoaren ondorio dela ondorioztatu du Eusko Jaurlaritzak. 

Batez bestean, 11 milioi auto baino gehiago sartu eta irteten dira urtero Hondarribiko Amuteko zubitik. Eta aldamenean N-1 Jaitzubiko errepidea dagoela, esate baterako. 

Arazoak nola ekidin, lasterketa batean, Behobia Donostia izpide

Az, 10/30/2019 - 13:45

30.500 parte hartzailek izena eman dute, hilaren 10ean ospatuko den Behobia Donostia herri lasterketaren 55. edizioan parte hartzeko. Azken urteetan oihartzun handia izan dute lasterketa hau osasun arazoekin bukatu dituzten korrikalariak. Behobia Doostia lasterketaren antolakuntzak, korrikalarien osasunari buruzko ikerketa bat egin du. Inkesta honen emaitzak diote tenperatura aldatzen denean eta bereziki berotzen duenean osasun arazoak 10 aldiz biderkatzen dira. Felix Zukia sendagilearekin hitz egin dugu

"Miñan" zenbakiak baino are gehiago diren istorio pertsonalak

Az, 10/30/2019 - 13:42

Atzo arratsaldean migranteen aldeko ekitaldi kulturala antolatu zuen Irungo Harrera Sareak San Juan plazan. Bertan daramate urtebete Hendaiako muga zeharkatzeko helburuarekin Iruna heltzen diren trantsitozko migranteak laguntzen. Badira 6.000 lagun baino gehiago elkartasun sare honek lagundu dituenak. Baina zenbakien atzean istorio pertsonalak daudela erakutsi nahi izan du Amets Arzallusek Susa argitaletxearekin plazaratu berri duen "Miñan" liburuan. Harrera Sareko kidea da Amets, eta berak esplikatu digunez, berez, liburu hau Ibrahima Balde ginearrak idatzi du, ahoz, eta Amets Arzallusek eskuz.  Irundik iragan diren milaka migranteetako bat besterik ez da Ibrahim. Baina ez da beste migranteak bezalakoa. Horregatik, eta migranteek jasaten duten errealitate gordinaren berri eman beharra zegoelakoan idatzi du liburua.  Amets Arzallusekin mintzatu da Koldo Nausia lankidea, eta honakoa erran dio. 

« Ospakizun gauean » Benito Lertxundik bere azken lana aurkeztuko du Irunen larunbatean

Az, 10/30/2019 - 13:39

Irungo udaletxeko kutura departamenduak antolatuta, larunbata hontan Beito Lertxundiren kontzertua izanen da. Hitzordua Irungo Amaia kultur zentroan arratsaldeko 20.00etan abiatuko da. Emanaldi honetan Benito Lertxundik « Ospakizun gauean » bere azken diskaren aurkzpena egingo du. Maia Muruaga lankideak xehetasunak bildu dizkigu

15 urte beteko ditu Santiagoko Deabruak elkarteak txikiak eta handiak beldurtzen

Ar, 10/29/2019 - 18:35

Santiagoko Deabruak elkarteak azaroaren 2an Ficoban antolatuko duen Beldurraren Pasadizorako sarrerak, urriaren 29, 30 eta 31n salduko dituzte. Amaia Kultur Zentroko lehiatiletan jaso ahal izango dira 3 eurotan, 17:30etatik 19:30era. 15. urtea dute hastapen-hastapenetik sekulako arrakasta izan zuen ekimen hau. Bolondres askoren ahaleginari esker, sendotzen joan da, eta hiruzpalau ordutan 2.000 bisitari baino gehiago jaso izan dituztelarik, urtero berritzen dute ilusioa. Koldo Nausia lankidea, Juanjo Toledo, Santiagoko Deabruak elkarteko kidearekin mintzatu da. 

Orriak