BDS KOOP.- Aurten, berriro ere, BDS KOOP elkartetik ekintzailetza sozial eta eraldatzailetik kooperatibak eratzeko gure programa abiatu dugula jakina arazi nahi dizuegu.
Programa hau BDSKoop Elkarteak Eusko Jaurlaritzako Ekonomia Sailari esker eskaintzen duen ekintzailetza programa bat da, Bidasoaldean (Irun et Hondarribian) kooperatibak eratzen laguntzeko. Ekonomia Sozial eta Eraldatzailearen ikuspegitik egiten dugu lan, hau da, gizartearen beharrei begira arituko diren enpresak eratzen laguntzen dugu. Ikuspegi feminista, ekologista eta sozial batetik lan egin nahi duten enpresak eratzen laguntzen dugu eta gure programan filosofia horretatik lan eginez.
Bakarkako prozesuak izanik, programa pertsonalizatua da, ekintzailearen beharren arabera antolatzeko aukera ematen duena eta ekintzailearen denbora beharretara egokitua; enpresa ideiatik hasi, eta enpresaren eguneroko lanak planteatu eta garatzera iritsi arte. Programa osoa euskaraz egiteko aukera eskaintzen dugu.
Gure programa ez da enpresa planean geratzen. Enpresa sortu eta martxan izan arteko pauso guztiak hausnartzen ditugu elkarrekin 60 orduko bidelaguntza eskaintzen dugu, kudeaketa administratibo, diru laguntza eskaera eta komunikazioan.
Ekonomia Sozialarekin batera, ezinbestean Eraldatzailea izatea bilatzen dugu gure elkartean, eta eraldaketa honek jasangarritasun ekologikoa eta sozialak bilatu behar dituela ulertzen dugu, genero ikuspegi integral batetik landuta eta gure lurraldeko kultura integratuta. Horregatik, Eraldaketa Fabrika programak zehar lerro hauek txertatzen ditu bere proposamenean.
BDSKOOPen ekintzailetza programari buruz gehiago jakin nahiko bazenute, jarri gurekin harremanetan eta luze-zabal azalduko dizuegu zertan den.