Pentsio duinak, zaintza duinak. HEL aurrera!
EHPMko Emakumeen Batzarra.- 2024ko azaroaren 29an, Euskal Herriko Pentsiodunen Mugimenduko Emakumeen IV. Asanbladan aztertu dugu Euskal Herriko Pentsiodunen Mugimenduak aurkeztutako Herri Ekimen Legegileak (HEL) emakume pentsiodunengan duen eragina, pentsioen osagarriaren euskal sistema bat ezartzeko, Sistema horrek lege bihurtuko du Lanbide arteko Gutxieneko Soldatarekin (LGS) parekatuko den pentsio baten aldarrikapena urteko 14 ordainsaritan, eta Eusko Legebiltzarreko Mahaiak berriki onartu du hori izapidetzea.
Emakumeek lantokietan duten diskriminazioak eta prekarietateak, langabezia-tasa handiagoak, lanaldi partzialeko kontratuen proportzio handiagoak eta aitortu eta ordaindu ez diren zaintza-lanetan aritzeak pentsiorik baxuenak, gutxienekoen osagarriak behar dituzten kotizaziopeko pentsioak, 500€ baino pixka bat gehiagoko kotizazio gabeko pentsioak, emakumeek % 70ean jasotzen dituztenak, edo argi eta garbi nahikoak ez dren alarguntzapentsioak eskuratzea eragin dute.
Izapidetzeko onartutako HELarekin, 66.000 emakume pentsiodunek (guztira, ia 100.000 pentsiodun) jaso ahal izango dute 1.135 €-ko osagarri hori. Zenbateko horrek bizi-baldintza duinak lortzeko gutxieneko diru-sarrera nahikoak bermatuko dizkie, eta, gainera, genero-arrakala murriztuko da. Horregatik, emakume guztiak animatzen ditugu beren sinadurarekin HEL hau babestera.
Euskal Herriko Pentsiodunen Mugimenduko Emakumeen IV. Asanblada honetan ere bizitzaren etapa guztietan zaintza duinen beharra sakondu eta berretsi dugu. Egoera ekonomikoak garrantzi1 berezia du bizimodu duna izateko, baina, era berean, ezinbestekoa da sistema publiko eta kalitatezkoa izatea, urteak bete ahala areagotzen doazen zaintza-beharrak behar bezala beteko dituena. Gure gizartean, zaintza-sistemarl emakumeei esker eusten zaio funtsean, eta egoera horri buelta eman behar zaio, sistema hori ezin baita doako lanean edo soldata eta lan-baldintza guztiz bidegabeetan oinarritu.
Horregatik, gaur, Euskal Herriko hainbat herri eta hiritan gertatzen ari dren esperientzia eta prozesu zehatzetan sakondu dugu, elkar aberasten galtuzten eta ideia berriak ekartzen dizkiguten alderdiak trukatuz. Bereziki, esperientzia horiek zaintza publiko eta komunitarioko beste eredu baterantz nola jo ikusten laguntzen digute, inplikatutako sektoreen parte-hartzearekin. Eta partekatutako esperientzietan kusi dugu aldaketa bor praktikan jar daitekeela. Horregatik, emakume pentsiodun guztiak animatzen ditugu Mugimendu Feministarekin eta beste gizartekolektibo batzuekin batera parte hartzera, esperientzia horiek eta beste hiri, herri eta eremu batzuetan gerta daitezkeen beste esperientzia batzuk sustatzera eta horietan parte hartzera.
Gaur egun, MPEHko emakumeak indartsuago ateratzen gara Asanblada honetatik. Jakin badakigulako etorkizunean HEL hori onartzeak bete egingo duela MPEHren aldarrikapen historikoetako bat, emakumeek jasotzen dituzten pentsio txikienei dagokienez. Eta baita ere berretsi dugulako zaintza unibertsalak, publikoak eta duinak posible direla, bai etxetik kanpo, bai etxe barruan. Nolanahi ere, ezin da onartu zainketekin negozioa egiten jarraitzea. Eta horretarako badakigu mobilizazioa dela bide bakarra.
Azkenik, emakume eta gizon pentsiodunei del egin nahi diegu bihar, azaroak 30, 2023. urteko lehenengo Greba Orokor Feministaren urteurrena ospatzeko egingo dren ekintza eta mobilizazioetan parte hartzeko.
PENTSIO DUINAK, ZAINKETA DUINAK
HEL AURRERA!