Peio Mindegia. Ekologistak Martxan-eko ordezkaria.- 15 minutuko hiri kontzeptuaren helburua da hiri bizigarriagoa, inklusiboagoa, ekitatiboagoa eta erresilienteagoa izatea.

Alkateak hiri-garapeneko politikak aplikatzeko mobilizatzen dira, hurbiltasuna, mugikortasun aktiboa eta herritarrengandik hurbil dauden zerbitzu publikoen instalazioen hedapena sustatzeko.

Klima aldaketari buruzko Nazio Batuen Konferentzian, Parisen, mundu osoko mila alkatek baino gehiagok konpromisoa hartu zuten "15 minutuko hiria" agenda bateratuan onartzeko.

Ekologistak Martxan taldeak bere egin du filosofia hori, eta uste du premiazkoa dela anbulatorio berriari buruzko eztabaida herritarrok ere izatea.

Beraz, hirigunean anbulatorio bat jartzeko aukera aztertzea proposatzen dugu, batez ere auzoetatik gertu: San Migel, Pinar, Anzaran, Erdialdea, Lapitze, Anaka eta Belasko.

Gaur egun, gure hiriko eremu horiek ez dute ekipamendu publikorik. Segur aski, 30.000 biztanle baino gehiago izango dituzte, eta, beraz, premiazkoa da etxebizitzetatik ahalik eta hurbilen hornitzea ekipamendu hori.

Anbulatorio berria euskotrenbideak Kolon pasealekuko topoaren egungo geltokian duen lursailean kokatuko litzateke.

Neurriak aztertu ditugu, eta 1400 metrotan atera daiteke, altuerako 5 edo 6 solairutan banatuta. Anbulatorio handi bat oso ondo konektatuta, atzeko aldetik Cirpriano Larrañaga kalearekin eta aurrealdetik Pio XII eta Aduana kalearekin.

Dei egiten diegu auzo horietako auzo-elkarteei proposamen hori edo auzo horientzat onuragarriak izan daitezkeen beste batzuk eztabaidatu eta azter ditzaten.