Ehunka lagunek elkarretaratzea egin zuten atzo arratsaldean Irungo eta Hondarribiko udaletxeen aurrean, Gazarako bidean zihoan ontzidiaren atxiloketaren aurka protesta egiteko.
Flotak jasandako jazarpena eta Palestinaren askatasuna, bi kontzeptuak, bostehun pertsona inguruk koroatu zituzten atzo Irungo San Juan plazan. Elkarretaratzea 19:00etan hasi zen eta pixkanaka jendea batzen joan zen. Pankarta eskuan, ontzidiaren atxiloketaren berri ematen zuen, eta Israelen desegitea eskatzen zuen.
Euskal Herria, Gazarako Mugimendu Globala kolektiboak kaleratutako oharrean, Israelgo okupazio indarrek Flotilla Global Sumud-en aurka nazioarteko uretan egindako erasoa irmoki salatzen dute. "Nazioarteko itsas zuzenbidea urratu dute, eta orain, historiako hondamendi humanitario larriena gertatzen ari den honetan, erregimenaren zigorgabetasuna", azpimarratu du. Kolektiboak grebara deitu du gaur arratsaldean, eta Palestinarekin duen konpromiso "hautsezina" berretsi du. Laguntza humanitarioa "berehala eta modu seguruan" iristea exijitu du.
Bestalde, atzo arratsaldean Hondarribiko kale nagusia oihuz bete zuten Gazako hesia hausteko eta Israel desegiteko eskatuz bat egin zuten herritarrek. "Israel hiltzailea Europa konplizea”; “Boikot Israel, Palestina askatu”; “Gora Palestina erresistentzia” edota “Israel hiltzaile Europa laguntzaile”.
Palestinako banderak airean kulunkatu ziren eta kufiyek udaletxearen aurrean bildutako jendetzaren oihua entzun zuten. Elkarretaratzeari amaiera emateko minutu batzuk igaro ostean, ontzidiko pertsonei elkartasuna adierazi zieten eta "Estatu terrorista desagertzeko bidean" Israelekin harreman, tratu eta kontaktu diplomatiko oro eteteko eta kirol ekitaldi orotatik irteteko ordua dela aldarrikatu zuten.
Hona hemen atzoko Hondarribiko kontzentrazioan irakurri zuten testu osoa:
“Une honetan 400 ekintzaile baino gehiago daude atxilotuta, tartean hainbat euskaldun. Lehenik eta behin gure elkartasun osoa adierazi nahi diegu Israelek Gazan egiten duen sarraskia eta setioa hausteko euren pribilegioak utzi Palestinarren alde jarri eta beren bizitza azken muturreraino eramateko adorea izan duten horiei guztiei. Bestetik, Israelen izaera kriminala salatu nahi dugu. Noraino iritsiko da entitate terrorista hau?
Premiazkoa da Palestinaren aldeko borroka oro munstro sionistaren aurkako borroka bihurtzea eta bere zilegitasuna zalantzan jartzea. Izan ere, Israelen existentziak berak mundua are arriskutsuago bilakatzen du. Dena den ontzietako kideek behin eta berriz adierazi duten bezala ezingo dugu ahaztu ontzidiaren helburua nazioarteko begiak Gazan kokatzea dela. Israel gazan egiten ari den sarraskia deskribatzeko ez dago hitzik hiztegian. Gazaren %90 suntsituta dago. Zuti geratzen diren ospitaleak tankez inguratuak daude. Gosetea sufritzen ari da populazioaren gehiengoa.
Bada garaia estatu terrorista desagerrarazteko bidean Israelekin harreman, salerosketa, eta harreman diplomatiko oro eteteko eta kirol ekitaldi orotatik ateratzeko. Azken asteetan mobilizazioei esker Europako gobernuek zenbait neurri iragartzera eta Palestinako estatua aitortzera behartuta ikusi dute beren burua. Global Sumud ontzidiak erakutsi digu euren determinazioak Espainiako eta Italiako gobernuak bertan diren beren biztanleak babesteko armada mugiaraztera behartu dituela, gutxi batzuen bizitzak ehundaka, milaka Palestinarren biziak baino gehiago axola diela. Aurpegia garbitzeko neurri hutsak besterik ez badira ere, argi izan behar dugu borrokaren fruitu direla, eta orain dela momentua presioa egiteko.
Ez da borroka erraza izango; izan ere, Israel Amerikako Estatu Batuen eta Europaren proiektu inperialistaren parte funtsezkoa delako. Eta zentzu horretan euskal burgesiaren aliatua ere badelako. Baina herri langileen elkartasunak ez dauka mugarik. Eta Palestina herriak eta bere erresistentziak ere tinko dirauen era berean, gure egitekoa da Israeldar guztiei bakerik ez ematea estatu sionista desagerrarazi arte”.
Iturri: https://bidasoa.hitza.eus