Podemos Irun- Irungo Ahal dugu.- Alderdiak salatu du egungo ereduak kanpoan uzten dituela behar bereziak dituzten dozenaka haur, eta jantoki Zerbitzu bat eskatzen du familia kontziliazioa hobetzeko

Podemos Irunek Irungo Udalari eskatu dio Solas Jolas udaleku irekietara bideratutako baliabideak premiaz indartzea, behar bereziak dituzten haurren inklusioa bermatzeko eta familien kontziliazioa hobetzeko, jantoki zerbitzu bat txertatuz.

Solas Jolas programaren helburu nagusia Irunen erroldatutako edo udalerrian eskolatutako haurren artean euskararen erabilera sustatzea da, ingurune ludiko eta hezitzaile batean hizkuntzarekiko arrera hobetuz. Hala ere, plaza faltak arazo bat sortu du adingabe askorentzat, bereziki behar bereziak dituztenentzat.

“Urteak daramatzagu behar bereziak dituzten haurrentzako plazak zabaltzeko eskatzen, baina gure proposamenak behin eta berriz baztertu dira”, salatu du Thania Pazosek, Irungo Udaleko Elkarrekin Podemoseko zinegotziak.

2024an, behar bereziak zituzten 16 adingabe geratu ziren plazarik gabe. Egoera horren aurrean, udal taldeak 150.000 euroko aurrekontu gehikuntza eskatu zuen, inklusioa bermatzeko. Proposamena ukatu egin zen, argudiatuz indarrean zegoen kontratuak ez zuela aldaketarik onartzen eta ez zegoela denbora tarterik aldaketak egiteko.

Euskarako zinegotzi ordezkariak, martxoaren 28ko ohiko osoko bilkuran Podemos alderdiko Thania Pazos zinegotziak galdetuta, adierazi zuen “aurten behar bereziak dituzten 82 haurrek eskatu dute lekua, eta gutxi gorabehera 30 plaza eskainiko dira”. Zenbaki zehatzik eman ez bazuen ere, argi geratu zen Gobernuak haur asko kanpoan utziko dituela, jakinda gainera familia horiek dituztela zailtasun handienak udako oporraldian lana eta familia uztartzeko.

Kreditu-aldaketa berehalakoa denez, Podemos Irunek aurrekontu indartzea eskatzen du plazen kopurua handitzeko eta behar duten haur guztien inklusioa bermatzeko. Gainera, jantoki-zerbitzua gehitzeko aukera aztertzea planteatzen da, gaur egun jarduerak 13:00etan amaitzen direlako, eta horrek familia askoren bateragarritasuna zailtzen du.

Podemos Irunek gobernu taldeari eskatzen dio aldaketa horien bideragarritasuna aztertzeko eta haur guztiek kalitatezko jardueretara baldintza berdinetan sartzeko duten eskubidea lehenesteko. “Ezin dugu onartzen jarraitu haur batzuk urtez urte kanpoan geratzea, aurreikuspen faltagatik eta borondate politikorik ezagatik”, amaitu du zinegotziak.