ELA Sindikatua.- Akordioarekin, bi urtean % 39rainoko soldata ¡goerak adostu dira, eta ABLEek kontratatutako 19 langileak finko bihurtuko dira, beste hobekuntza batzuen artean.

ELAk akordio bat lortu du Amazonentzat lan egiten duen Oiartzungo Delcom Delivery enpresan, 53 langileen lan baldintzak hobetzen eta berdintzen dituena enpresa hitzarmen batekin, honako neurri hauei esker:

• Bi urteko epean % ZO lera arteko soldata igoerak adostu dira.
• Honako plus hauek arautzen dira: antzinatasuna, aldi baterako ezintasunagatiko prestazioa, zerbitzua ematearekin lotutako plusak, araututako egutegia, etab.
• Lanpostuei eutsiko zaiela bermatzen da, baldin eta Amazon multinazionalak Delcom Deliveryrekin zuen kontratua deuseztatzea erabakitzen badu eta azpikontratatutako beste enpresa bati esleitzen badio.
• Enplegua egonkortzeko neurriak jasotzen ditu, kontratu mugagabea eta egonkorra duen lan duina arautzeko eta bermatzeko.
• 36 orduko lanaldia ezarri da, urtean 1.702 orduko mugarekin.
  
  

Akordio horri esker, ELAk, bost ordezkarirekin enpresan ordezkaritza duen sindikatu bakarrak, arrakala bat ireki du Amazonen kontratazio prekarioaren ereduan. Izan ere, orain arte, Amazonek enpresa batekin zuen kontratua etetea erabakitzen bazuen, plantillak lanpostua galtzen zuen. Hemendik aurrera, Delcom Deliveryko 53 langileak ez dira erraldoi teknologikoak hartzen dituen kontratazio erabakien mende egongo. Azpikontratatutako enpresa aldatzen bada, plantilla esleipendun berriaren parte izango da, aurreko baldintzei eutsiz, eta hori oso urrats garrantzitsua da sektorearen prekarietateari aurre egiteko.

Era berean, plantillaren baldintzak berdindu dira. Alde batetik, ABLE bidez kontratatuta zeuden 19 pertsonak enpresako langile bihurtuko dira, eta, beste alde batetik, Delcomeko estatu hitzarmena aplikatzen zitzaien pertsonek (LGStik hurbil zeuden soldatak zituztenek) nabarmen hobetuko dituzte lan baldintzak.

Enplegua egonkortzeko lortutako akordioarekin, ELAK "Amazon eredua" jarri du zalantzan.

Eredu horretan, prekarietatea da araua, eta kontratazio mota guztiak sartzen dira: autonomo faltsuak, ABLEak, etab. Antolakuntza eta sindikalizazioa funtsezkoak dira bizi baldintzak hobetzeko eta kapitalismo digitalaren barruan ere aberastasuna banatzeko. ELAk uste du akordio horiek oso erreferente garrantzitsuak direla plataforma digitalen inguruko enpresetan, eta lanean jarraituko duela dauden eremu guztietan baldintzak hobetzeko.