Osasun Bidasoa Plataforma Hiritarra.- Osakidetzak iragarri du, modu faltsuan, Bidasoako pediatriako arretaren irisgarritasunean eta kalitatean hobekuntza izango dela, baina benetan gertatuko dena da Bidasoa Ospitaleko pediatriako larrialdiak itxi egingo direla, Gaur egun, pediatrek 8: OOetatik 15:00etara artatzen dituzte Bidasoako haurrak beren osasun-zentroetan.

Lanegunetako arratsalde eta gauetan (15:00etatik 8: OOetara arte), eta baita larunbat eta jaiegunetako 24 orduetan ere, haur larrialdiak Bidasoako ospitalean artatzen dira Osakidetzak iragarri duen balizko hobekuntza da pediatra bat mantentzea 3 osasunzentroetan 15:00etatik 17:00etara, astelehenetik ostiralera. Osasun-zentroetako arretaordutegia egunean 2 orduz luzatuko da, baina Bidasoa Ospitaleko larrialdiak kenduko dira.

Eskualdea pediatrarik gabe geratuko da 17:00etatik hurrengo eguneko 8: OOetara arte.

Benetako emaitza honako hau da: 15 ordu gutxiago arreta pediatrikoan lanegunetan, eta 24 ordu gutxiago larunbat eta jaiegunetan.

Pediatria, bere larrialdi zerbitzuaren itxierarekin, arreta prekarioa ematen duten zerbitzuen zerrendari gehitzen zaio, hala nola urologia, erradiologia, minaren unitatea, traumatologia, haurren psikiatria, kardiologia eta neurología. Halaber, ospitalea inauguratu zenetik, lehen aldiz gertatu da traumatologorik ez izatea guardiarako, ez modu presentzialean ezta aurkitzeko moduan ere.

OSASUN BIDASOAKk salatzen du Bidasoan osasun-arreta publikoa okerrera egiten ari dela etenik gabe. Pediatriako larrialdiak ixtea beste urrats bat da zentzu horretan.

Egoera horrek agerian uzten du, beste behin ere, Bidasoan Osakidetzako asistentziazuzendaritzen eta giza baliabideen kudeaketa txarra. Elkarrizketaren eta lan-baldintzak hobetzearen bidez talentua erakarri beharrean, gure eskualdeko lana erakargarri egiten ez duten neurriak ezartzen dira. Profesionalen kudeaketa txar hori herritarrek jasaten dute, eskuragarri dituen osasun-zerbitzuak pixkanaka murrizten direla ikusten baitute.

ZABALDU, BERRITU, HOBETU