EHPM.- Hilaren 25ean, EHPMk jardunaldi historikoa bizi izan geuen. Egun horretan, Gasteizen adierazi genuen azken urtean egindako lana arrakastatsua izan dela. Lortu dugu gutxieneko pentsioak LGSren % 100eraino osatzeko gure HEL, proposamenak gurtza masiboa atea, bai gizarte-erakundeen, sindikatuen, pertsona garrantzitsuen eta 145.000 sinadura baino gehiagoren aldetik.

Agenda politikoan jarri dugu bizibaldintza duinak lortzeko diru-sarrera nahikorik ez duten adineko pentsiodunekiko elkartasuna; emakumeak lanean eta pentsioetan diskriminatzen dituen Bidegabekeria soziala erakutsi dugu; pertsona askorentzat erreferentzia izatea lortu dugu.

Mobilizatu egiten gara, eta inork ezer oparitu ez digun kolektiboa gara; badakigu borroka dela gure helburuak lortzeko bermea, eta berandu baino lehen lortuko dugula EAEko eta Nafarroako pentsiodun guztiei Legearen bidez diru-sarrera nahikoak eta pentsio duinak bermatzea.

Gure sendotasunak agerian utzi du zenbait alderdik herritarrek gai publikoetan parte hartzeko duten sentsibilitate eza eta mespretxua. EAJk eta PSEk esan dute ados daudela gure proposamenaren funtsarekin eta gure jarduerarekin, baina betoa jarri diote proposamen hori Legebiltzarrean eztabaidatu eta bozkatzeari.

Beren ekintzekin ukatu egiten dute beren hitzekin baieztatzen dutena, eta Legebiltzarraren txosten juridikoa baliogabetu nahi dute, EAEko Gobernuaren txosten partzial eta oinarririk gabeko batekin izapidera onartuz.

EAJk eta PSEk, zuen erabakiarekin, aukera historikoa galdu duzue lanprekarietatearen eta aitortu gabeko zaintzanen mende dauden milaka emakume adindun pentsiodunekin justizia egiteko, 90.000 adineko pentsiodunekin, bizi-baldintza duinak lortzeko etxebizitza erosoa, behar dituzten arreta- eta zaintza-zerbitzuak, elikadura osasuntsua eta osasun integrala.

Nahiz eta begiak estali pobrezia, generodiskriminazioa eta lan-prekarietatea ez ikusteko, ez diote existitzeari utziko, eta guk horiek desagerrarazi arte borrokan jarraituko dugu.

ASTELEHENEAN, HILAK 29, OHIKO LEKUETAN MOBILIZATUKO GARA ADINEKO PERTSONAREN EGUNA OSPATZEKO, eta borroka hau irabazi egingo dugulako.

Euskal Herriko Pentsiodunen Mugimenduaren (UPEH) eta Mendekotasuna duten Pertsonen Senideen Elkarteen Federazioaren (BABESTU, Zaintza Araba eta Gipuzkoako Senideak) komunikatua

Urriak 1, adinekoen nazioarteko eguna

Urriaren lean, adinekoen nazioarteko eguna ospatzen da eta, urtero egiten dugun bezala, gogorarazten dugu PERTSONEN ESKUBIDEAK EZ DIRELA IRAUNGITZEN ADINAREKIN ETA HORIEK BERMATZEA ESKATZEN DUGU.

Ez da erakundeen konformismoa ospatzeko eguna, urteko gainerako egunetan ez baitigute aintzat hartzen. Zerbitzu eta prestazio publikoak garatzea eta hobetzea eskatzen dugu, eskubide horiek baliatu ahal izateko. Osasun-sistema publikoaren prestazioak hobetzea eta zabaltzea eskatzen dugu; mendekotasuna artatzeko zerbitzuen sare publiko komunitario eta unibertsala, eta bizitza duina, ahalik eta autonomoena, garatzea ahalbidetzen diguten diru-sarrera nahikoak.

Aurten berri txar batekin hasi da ikasturtea: EAEko gobernuak eta berau osatzen duten alderdiek (EAJ eta PSE) blokeatu egin dute Legebiltzarrean Lanbide Arteko Gutxieneko Soldataren % 100eraino adineko pentsiodunen diru-sarrerak osatzeko tramitazioa. Erabaki horrek eztabaida publikoa eragozten du, eskaera hori sinatu duten 145.000 pertsona baino gehiago mespretxatzen ditu, baita sindikatu guztien eta gizarte- eta lan-eremuan garrantzitsuak diren ehunka erakunde sozial, feminista eta pertsonen babesa ere. Erabaki horrek urratu egiten du pertsona guztiek bizi-baldintza duinak izateko diru-sarrera nahikoak izateko duten eskubidea, eta pobreziara eta mendekotasunera kondenatzen ditu EAEn LGStik beherako diru-sarrerak dituzten 70.000 emakume baino gehiago.

Egun horretan, erakunde batzuek promesak egingo dizkigute berriro, eta hitz onak emango dizkigute, EAEko Gobernuak duela ¡a bi urte zaintza eredu "berri" bat garatzeko herrialde mailako itun bat bultzatzeko egindako promesaren antzera.

Baina promesak propagandan geratzen dira, eta errealitatea gero eta gogorragoa da adinekoentzat: pobreziatik ateratzeko diru-sarrerak ez hobetzeaz gain, egoitza-zentroei buruzko dekretua ere ez da aldatu, egoitzetako ratioak arreta duina bermatzeko guztiz eskasak baitira, eta egoiliarrek eta haien senideek ez baitute arretaren garapenean parte hartzeko aukerarik ematen; EAEko pertsona guztiek ez dituzte gizarte-zerbitzuak jasotzeko baldintza berak bermatzen; egoiliarrek koordainketara eta laguntza pribatura behartuta jarraitzen dute, prestazio publikoak nahikoak eta atzeratuak direlako. Azken batean, EAJ PSEK kudeatzen duen egungo zaintza-sistemak zaintza publiko eta duinaren eskubidea negozio bihurtu du. Ez dakit inolako eskubiderik errespetatzen duen, ez langileenak, ez erabiltzaileenak.

EHPMk eta Mendeko Pertsonen Senideen Elkarteek hitzetatik ekintzetara pasatzea eta urtez urte promesa eta gezur berberak errepikatzeari uztea eskatzen dugu. Eusko Jaurlaritzak, ForuAldundiek eta udalek zaintza publikoaren, komunitarioaren, unibertsalaren eta kalitatezkoaren sistema bermatu behar dute, bai eta pertsonen beharren araberako arreta ere. Finantza- eta langilebaliabideak handitu behar dira, eta lan-baldintzak hobetu.

ZAINTZA SISTEMA PUBLIKOA ETA KALITATEZKOA GUZTIONTZAT

LAN-ARTEKO GUTXIENEKO SOLDATAREN ADINAKO GUTXIENEKO PENTSIOA

JO TA KE IRABAZI ARTE