Hiru bertso gau eder eta bero ditugu oraindik gozatzeko ikasturtea bukatu aurretik, apiriletik ekainera bitarteko hirurak, hain zuzen ere.
Abian da Irungo eskolarteko II. bertso-paper lehiaketa, Gipuzkoako Bertsozale Elkarteak eta Irunabarrek elkarlanean antolatua, eta LHko bigarren eta hirugarren zikloetako eta DBH osoko ikasleei zuzendua.
Lanak bidaltzeko azken eguna apirilaren 17a da, eta ondorengo loturan jaso ditzakezue argibide gehiago:
Martxoaren 5ean izango da hilabete honi dagokion bertso gaua. Kabigorrin izango da, beti bezala, Irungo Peña kaleko lehenengoan, arratsaldeko 19:30etatik aurrera.
Martxoko zitan Gotzon Aizpiolea irundarra, Maddalen Lopez lesakarra, Aimar Karrika auriztarra eta Aitor Servier azkaindarra ariko dira kantuan, guztiak Egoitz Zelaia hendaiarraren aginduetara.
Bertsolariak:
- Karlos Aizpurua
- Beñat Gaztelumendi
- Izarne Zelaia
- Odei Barroso
Gai-jartzaile: Aitor Errazkin
Bertso-jarriak: Haurren bertso-eskola
2015eko urtarrilaren 8an izango da Kabigorriko hurrengo ostegunetako bertso-gaua, urteko lehendabizikoa.
Urko Casado astigartarra, Julen Zelaieta beratarra, Jon Martin oiartzuarra eta Nerea Ibarzabal markinarra ariko dira bertsotan, Karlos Aizpurua gai jartzaile oiartzuarraren aginduetara. Bertso idatziak Beñat Elosegi irundarrak jarriak izango dira.
Urrikosaioarekin ikasturteari hasiera eman ostean, azaroaren 6an izango da hurrengo Kabigorriko bertso gaua, hileko lehen ostegunarekin batera, ohitura den moduan. Honako honetan, Aitor Errazkin irundarrak, Eneritz Zabaleta baionarrak, Alaia Martin oiartzuarrak eta Aitzol Barandiaran ataundarrak kantatuko dute, Urko Casado astigartarraren esanetara.
Irunabar (Irungo Bertsoaren Bilgunea).- Iragarri bezala, bigarren aldiz jarraian, eta urriaren 2an hasita, Kabigorriko bertso gauez gozatzen hasteko aukera izango dugu berriz. Aurreko ikasturtean bezalaxe, hilabeteko lehendabiziko ostegunean izango dira saioak, arratsaldeko 19:30etatik aurrera, Irungo Peña kaleko Kabigorri Bidasoaldeko Ateneoan.
