Datorren larunbatean, abuztuak 10, ESAITek urtero uda sasoian antolatzen duen Euskal selekzioen ofizialtasunaren aldeko mendi martxa Irunera iristen da. Aurtengo edizioa 13. dugu eta Lanestosan (Bizkaian) hasi eta Irunen amaitzen da.

Hainbat herri, bailara igaro ondoren eta bertako herritarren babesa eta auspoa jaso ondoren, Irunera iritsiko dira abuztuaren 10ean. Irunen ere, harrera beroa egin nahi diote Mendi Martxari eta jai giroan eman nahi diote amaiera aurtengo edizioari.