Datorren asteazkenean, hilak 11, 18:30etan Muaran zita garrantzitsu bat daukagu. Zer gertatuko den? Ezker Abertzalearen istorio hurbilari errepasotxo bat emango diogula, egungo egoeraren garrantziaz jabetuko garela eta aurrera begirako erronken inguruan jardungo garela.
Erraustegiaren Aurkako Mugimenduak eta Txingudi Bizirik plataformak erraustegiaren aurkako manifestazioa deitu dute Hondarribian otsailaren 4rako, larunbata. Eguerdiko 12:30etan abiatuko da Butroi pasealeku amaieratik, “Errausketarik ez Txingudin, ez Zubietan” aldarripean.
Askapena 1987an Iraultza Sandinistaren epeletan sorturiko euskal erakunde internazionalista da. Herrion arteko joan-etorriko elkartasuna bultzatzen dugu, Euskal Herria eta gainerako herri langile eta zapalduekin zubiak eraikiz.
Urtarrilean AHTa Bilbon, Gasteizen eta Donostian nola sartuko den adostu zela helarazi ziguten eta otsailaren erdialdera berresteko asmoa dutela. Ohiturei jarraiki, AHT Gelditu! Elkarlanari adostasunik ez dagoela deritzogu zeren Eusko Jaurlaritzak eta Espainiako gobernuak AHTren hiriburuetarako sarbideak adostu dituztela esan arren, beraiek egin dutena ez baita izan benetako adostasuna.
Jean Pierre Harokarene “Txanpi” gaur goizeko 6:30ean aske geratu da. Soriako kartzelatik atera bezain pronto espainiar poliziak atxilotu du preso politiko ohi irundarra eta Soriako komisaldegira eraman du. Han senideei deitzea utzi diote eta eskuburdinak jarrita Biriatura eraman dute. Txanpi Frantziako estatuan kargurik ez duelako Pausura eraman eta libre utzi dute.