Datorren ekintzak

Hondarribiko Alkateak iruzur egin die udal taldeei, eta iruzur herriari

ZKA argitaratua 22 / Abe / 2019

Zinegotziak - AbotsanitzAbotsanitz Udal Taldearen erantzuna Txomin Sagarzazu alkateak (plenoaren ondorengo) prentsaurrekoan esandakoei.

Hondarribiko mega-outletarekin aurrera egingo duela eta Higertokiri alfonbra gorria jarriko diola esan du gaur goizean Txomin Sagarzazu Hondarribiko alkateak. Udal arkitektoak Higertokiren plan partziala baliorik gabe utzi duela eta, ondorioz, ekainaren 26ko alkate-dekretua indargabetu dela jakin dugu aste honetan. Horrek ondorio garbi bat du: Higertokik merkataritza lege berria errespetatu beharko du, ezingo du lege zaharrak baimentzen zuena egin. Alkateak ezetz esan du, Higertokik nahi duena egin dezakeela Zaldunborda Gainean.

Gaztetxea hutsarazteko agindua jaso dute Hondarribiko Gaztetxeko kideek

sugorri argitaratua 8 / Ots / 2020

gedar.eus - Gaur, otsailak 8, agerraldia egin dute Hondarribiko Gaztetxeko kideek; iazko apirilean birjabetutako Egiluz Jauregia hutsarazteko agindua jaso dutela jakinarazi dute. Abenduan adierazi zuten martxan zela gaztetxea husteko prozedura judizial berria, eraikinaren legezko jabea den Acción Católica taldearen eskutik. Orain, esku artean dute ebazpena: abian da gaztetxearen desalojo prozesua.

Hondarribiko Gaztetxea hustu du Ertzaintzak

sugorri argitaratua 5 / Mar / 2020

gedar.eus - Bete egin dira Hondarribiko Gaztetxeko kideen aurreikuspenak, eta gaur, martxoak 5, izan da gaztetxearen desalojoa. Ertzaintza goizeko aurreneko orduan bertaratu da Egiluz jauregi ingurura, eta kalea moztu dute hainbat patruilak. Gaztetxearen atzeko aldetik sartzen saiatu ostean, ate nagusiko sarraila aldatu dute indar polizialek.

Artiako 47 ezkiak #Etxeangeratu baina protesta eginez

ZKA argitaratua 19 / Mar / 2020

47 zuhaitzen mozketa Irunen Irungo Udalak uko egin dio Artiako Lagunak taldearekin beren eskaerari (www.change.org/los47tilosdeirun) buruz hitzegiteko eskaintzari. Oraindik ez ditu erantzun Artiako 47 ezkien mozketari buruzko gure galderak, balorazioak eta proposamenak, eta dena onartuta eta planifikatuta dago, astelehenean, martxoaren 23an, ezkiak mozten hasteko.

Elkarrekin Podemos-Ezker Anitzak larrialdi sozialeko talka plan bat eskatzen du 2020rako, kreditu aldaketa baten bitartez

ZKA argitaratua 16 / Api / 2020

Irungo udaletxea. Autor Uranzu. wikimedia.orgElkarrekin Podemos-Ezker Anitzan lehentasunezkoa iruditzen zaigu 2020rako gizarte-larrialdiko talka-plan bat lehenbailehen prestatzea. Edozein egoerari aurrea hartzea ezinbestekoa da politikan, eta herritarrek hori eskatzen dute. Gure kasuan, sortutako larritasun eta ziurgabetasun egoerari politika publikoekin erantzutea dagokigu. Jakin badakigu udal gobernua kontuen birformulazioari buruz pentsatzen ari dela dagoeneko, eta guk ariketa hori partekatua eta adostua izatea eskatzen diegu.