Hondarribiko EH Bildu.- Datorren ostiralean, abenduak 4, arratsaldeko 19.00etan Alde Zaharreko kultur etxean Josu Muguruzaren bizitzari buruzko Zohardia dokumentalaren emanaldia antolatu dugu.

Lander Iruin eta Markel Andiak zuzendutako lanean, Iñaki Esnaola, Iñigo Iruin, Fermin Muguruza, Xabier Arzalluz, Martin Garitano eta zenbait errefuxiatu agertzen dira besteak beste, eta Josu Muguruzak 70.eko hamarkadan Bilboko Errekalde auzotik hasi eta nazio mailako arazoetan hartutako konpromezuaren bilakaera erakusten digu.