Non sartuta zegoen ere ideiarik ez izatetik, berriz ere musikaren lehen planoan dugu Sorkun Rubio. Kashbad taldearen itzulerak ezustean harrapatutako horiek badute beste aitzakia bat abeslari gipuzkoarraren ahotsarekin bat egiteko.

Denbora da Sorkun eta Iñigo Kojoren DJ Pata figurak elkar ezagutzen dutela eta zenbait kasutan ere partekatu izan dituzte proiektuak. Orain, 'Turn On The Radio' deituriko esperimentu berri bat dute eskuartean eta Durangoko Azoka aprobetxatuko dute bertan sortutakoa gure belarrietara helarazteko. Belarrietara eta jakina, denon oinetara. Mixtape honetan nahasketa kuriosoak eta dantzarako aitzakiak ez dira faltako.