Larunbatean, abuztuak 11, Aste Nagusiaren hasieran, manifestazio antitaurinoa egingo dugu, “Zezenketarik ez, ez Donostian, ez inon” lemapean.

Manifestazioa, Donostia Antitaurina Orainek, Askekintzak eta Eguzkik antolatuta, 18:00etan abiatuko da Bulebarretik.

Urtez urte, tradizioaren eta dibertsioaren izenean, hamarnaka zezen torturatu eta erailtzen dira Illunbeko zezen plazan. Ez ditugu praktika hauek gure kulturaren partetzat onartzen, injustuak direlako.

Lotsagarria ere bada horrelako praktikak hartu eman politikoen esku geratzea. Ez da egia ekimen pribatu hutsa denik. Udal gobernu honek espresuki ematen dion sostengurik gabe zezenketak dagoeneko iraganaren kontu izango lirateke Donostian.

Gero eta gehiago gara zezenketen aurka eta zezenen alde egiteko prest gaudenak eta entzun egin beharko gaituzte!