Lakaxita.-Biharko, otsailak 20 larunbata, Lakaxitako kideok elkarretaratze bat antolatu dugu Irunen, Luis Marianon zehazki.
GKSk deituta, ostiralean, 20:00etan, Irungo San Juan plazan, Pablo Haselen espetxeratzea salatzeko, "Pablo Hasel askatu - demokrazia burgesaren aurrean proletargoaren askatasunak defendatu" lemapean mobizizazioa burutuko da.
Behe Bidasoako Eskubide Sozialen Karta.- Urte bete igaro da jada Zaldibarren dagoen zabortegian hondamendia jazo zenetik. Urtemuga beltza inondik inora. Gure zabor kudeaketa eredua goitik behera jauzi zen egun goibel hartan, bidean bi langileren bizitza eramanez: Joaquin Beltran eta Alberto Sololuze. Lehenak oraindik ere zabor artean jarraitzen du, ez dute topatu eta honen familiaren martirioak ez du amaiera ezagutu.
GKS mobilizazio kanpaina bat egiten ari da Euskal Herriko hainbat herri eta hiritan. "Osasun-hondamendia eta askatasunen ezabapenak" salatzen dituzte, proposamen argi batekin: "Burgesiaren ofentsiba gelditu!".
Datorren larunbatean, otsailaren 13an, Irunera iritsiko da kanpaina. 18:00etan, San Juan plazan, enkartelada egingo dute.
Sortu eta Ernai.- Larunbatean, Torturaren Aurkako Eguna egia eta erreparazioa exijitzeko eta bizi dugun gatazka politikoaren gordintasuna agerian uzteko eguna izango da.