Bihar bilera burutuko dugu Mendeluko Betharramen, arratsaldeko 7etatik aurrera, Mendelu Biziberritzeko lanketaren inguruan bizilagunekin iritziak partekatzeko.
Datorren astelehenean, Otsailaren 25a, eguerdiko 12tan, San Juan Plazan izango den manifestaziorako, Txingudiko pentsionisten Mugimenduak dei bat luzatzen die hiritar orori.
Azken urteotan bezala, aurten ere bertso-bazkari bikaina antolatu dute Landetxako Elatzeta elkartean.
Bertso-bazkaria otsailaren 23an izango da, 14etan hasita, eta bertan Alaia Martin eta Maialen Lujanbio ariko dira kantuan. Zuhaitz Olazabal izango dute gidari bertso-saioan zehar.
Txartelak 20€tan Otazpin eta Auzoko tabernan salgai daude.
Azpeitian gogoratuko da Kandido Saseta Gudalburuaren heriotzaren LXXXII. Urteurrena
Kandido Saseta, Eusko Gudarosteko Lagun Gudalburuaren heriotzaren 82. urteurrena gogoratuko duen lore eskaintza burutuko da larunbatean. Familiak Azpeitira joateko deia egin du, eguerdiko 12.00etan, Arrupe Hotelaren parean.