Txingudiko PentsioduneN Mugimendua.- 2018ko urtarrilaren 15ean, PENTSIO PUBLIKO DUINEN aldeko lehen elkarretaratzea egin genuen San Juan plazan. Hiru urte hauetan borroka eta kontzentrazioak egin ditugu, eta berdin jarraitzen dugu.
Kepa Ordoki Memoria Historikoa Bidasoan.- Bera eta Hondarribia bisitatu ostean, Bidasoko 90 deportatuak xede dituen erakusketa irungo Oiasso museoan egongo da ikusgai, urtarrilak 15etik aurrera. Kepa Ordoki Memoria Historikoa Bidasoan elkarteak antolaturiko erakusketa museoaren ohiko ordutegian bisitatu ahalko da, urtarrilak 30 arte.
Irungo Sare Herritarra.- Datorren larunbatean, hilaren 9an, Sare Herritarrak deituta manifestazioa egingo dugu Irunen. Aurten, osasun egoera dela eta, urtero Bilbon egiten den manifestazioa herrietan burutuko ditugu.
Kurtso hasieratik eta ezagutu gabeko krisi sozio-sanitario testuinguruan, Osakidetzako langileek kalitatezko osasun sistema bat izan dezagun borroka egiteko prest daudela erakutsi dute. Arduragabekeria politikoaren aurka, neoliberalismoaren aurka bizitza duinen alde.