Gaurkoan Patxik bere 15. eguna betetzen du gose greban. Hauei lehenengo hamabietan egindako egarri greba batzen zaizkio. Bere egoeran ez dago aldaketa azpimarragarririk. Berrogeialdian jarraitzen du erizaindegian eta gose grebarekin aurrera jarraitzen du.
Gaurkoan Patxik bere hamairugarren eguna betetzen du gose greban. Ez da asko Patxiren inguruan gaur daukagun informazioa, baina daukaguna honakoa da:
Ostegun arratsaldean Murcia II-ko Kartzelak Patxiri eskaini zion ospitalera eramatea, baina Patxik uko egin zion aukera honi. Beranduago, 23:00ak inguru, Mulako Epaitegiak igorritako auto baten ondorioz, Patxi Virgen de la Arrixacako ospitalera eraman zuten Kartzelaren eskariari jarraiki, bere bizitza arriskuan zegoelakoan.
Asturiaga 1974 memoria taldea.- Gaur, maiatzaren 20an, 46 urte betetzen dira Roke Mendez Villada eta Jose Luis Mondragon Elorza Hondarribiko Asturiaga hondartzan erail zituela polizia frankistak diktadura garai ilunean. Haien memoria ez galtzeko maiatzaren 23an, larunbatarekin, Asturiagara mendi ibilaldia egitea proposatzera gatoz.
Patxi Ruizek hamaikagarren eguna bete du gaur gose eta egarri greban. 60 kilo pisatzen zuen atzo eta erizainak elektrokardiograma ere egin zion. Alabaina konfiantzazko medikuek erantzunik jaso gabe jarraitzen dute. Konfiantzazko medikuek analisi sakonagoak egin diezazkioten eskatu dute abokatuek epaitegira bidalitako fax baten bidez.
Patxi Ruizek gose eta egarri grebako zortzigarren eguna betetzen du gaur. Hurkoei egindako deian bere borroka berretsi du eta bukaerara arte joateko prest dagoela esan du. Egunak pasatu arren, konbikzio eta koherentzia osoz hitz egiteko gai izan da.
Azpimarratzekoa da Jesus Hernandez buru duen Zuzendaritzarekin biltzera eraman eta bere bizitzaren kontrako mehatxuak egin zizkiotenetik, kartzelako ezein arduradun ez dela Patxirekin hitz egitera hurbildu.