Herria zaindu, Zaldunborda Gelditu plataformak antolatutako hitzaldia eta debatea.
Jakinarazi nahi dizuegu datorren otsailaren 10an (astelehena) berriro elkartuko garela, eguerdiko 12:00etan eta ohiko lekuetan, bai Hondarribian, bai Irunen.
GOBERNUAN DAGOENA DAGOELA PENTSIO PUBLIKOAK DEFENDATUKO DITUGU
TXINGUDIKO PENTSIODUNEN MUGIMENDUA Hondarribia - Irun
Ostegun honetan, otsailak 6, beste kontzertu akustiko bat izango dugu Irungo Lakaxita Gaztetxean: Nafarroa Behereko Ekhi Lambert musikariak Haustura bere azken diskoa aurkeztuko du. Seitan taldean ezagutu genuen sortzailea Miguel Etcheverry eta Yoan Arostegui musikariez lagunduta etorriko da. Tradiziozko folkaren oihartzunak dituzten amodiozko kantuekin osatuko dute kontzertua.
Badator aurtengo bigarren Kabigorriko bertso gaua ere, ikasturteko bosgarrena. Otsailaren 6an izango da 19:30ean hasita.
Bertan ariko dira kantuan Abel Zabala irundarra, Jokin Bergara eibartarra, Maider Arregi oñatiarra eta Iñigo Mantzizidor "Mantxi" zarauztarra. Saioaren gidaritza Iñigo Ugarte irudarraren esku egongo da. Hilero legez, saioaren aurretik bertso jarriak izango ditugu, honakoan Garbiñe Beraetxe hendaiarraren bitartez.