AEK-ek, urte amaiera aldera ohitura duenez, Pirritx, Porrotx eta Marimotots pailazoen emanaldia antolatu du Hondarribiko Hondartza Kiroldegian, azaroaren 20an, igandearekin, eta bi txandatan: 16:00etan eta 18:30ean.
Sarrerak salgai Irungo AEKn eta Hondarribiko turismo bulegoetan 7€ren truke.
Miryam Quiñones
Latinoamerikar Egile Kantu Garaikidearen hedatzaile ezagun eta irmoenetako bat da. Miryam Quiñonesek musika ibilbide zabala du. Limako Unibertsitateko arte tailerretik, Musikako Kontserbatorio Nazionaleko ikasgeletatik, Kodaly Institututik eta Txileko Santiagoko Ahots Arteen Eskolatik, besteak beste, pasa ondoren.
Azaroak 19, larunbata, EKTn, Txingudiko Kontsumo Taldearen aurkezpena eta babarrunada. Txartelak Hazia eta Aian salgai!
Datorren larunbatean, azaroaren 19an, ‘Gogoratzen nauzuenetan’ liburua aurkeztuko dugu, bi urtez egin dugun Asun Casasola Ipuin Lehiaketan bildutako ipuin ederrenen bilduma da. Ipuinak gainera, inguruko emakume ilustratzaileek egindako marrazkiekin ageri dira.
Aurkezpena azaroaren 19an 12.00tan izango da Kunsthal diseinu eskolan (Txanaleta plazan). Bertan proiektua aurkezteaz gainera, aurkezpen musikatu ederra egingo dugu, egile, eskualdeko kazetari eta Ion Martinezen musikaren laguntzaz.
Gure esku dago taldeak, datorren larunbatean, azaroak 19, BATZAR IREKIA antolatu du Irunen. Batzar honen helburua GURE ESKU DAGOk aurrera begira dituen asmoen berri ematea da. Bertan Irunen duen ibilbide orria aurkeztuko dute, ekimen garrantzitsu ugarirekin osatua dagoena.