Irunabar.- Santa Ageda bezperan egokitu da otsaileko lehen osteguna, eta, hori dela eta, bigarrenerako egingo dugu guk Kabigorrirako deialdia. Beraz, otsailaren 11rako jarri dugu zita, Kabigorrin bertan, nola ez!, eta 19:30etatik aurrera.
Gazteak, prekarietatea, frustrazioa, etsipena, konformismoa. Gehiegi eta askotan elkarrekin sentitu eta entzuten ditugun hitzak dira.
Beste behin ere genero-indarkeria kasu bati erantzun beharrean aurkitzen gara. Oraingo honetan, neskatxa gazte bat izan da biktima. Hori salatzeko, otsailaren 8an, kontzentrazioa burutuko da, Txingudi Anti-Sexistak deiturik, Irungo Zabaltza plazan arratsaldeko 19:30etan. ASKI DA! ERANTZUNIK GABEKO ERASORIK EZ!!
Heldu den otsailaren 6an, larunbatarekin, sendabelarrei buruzko sentsibilizazio tailer bat antolatuko dut Hendaiako Baleak elkartean.
Hau da batez ere oinarrizko jakituri bat eskuratzeko mundu horren inguruan eta gure kontsumo motari buruz gogoetatzeko. Interesatuak baldin bazaizte izena eman lehenbailehen helbide huntara (tokiak mugatuak izanen baitira): sendabelar@gmail.com. Bertzalde, lagundu informazioa hedatzen zuen inguruan, afitxa lotuta atzemanen duzue, tailerrak goiz bat iraunen du (9.30etatik 13etarat)
Mindtrap, Indidxabak eta Innputt taldeek joko dute, 21:00etatik aurrera. Trintxerpe, Pasaia eta Irungo musika taldeak dira. Eskenatokietatik gertu elkartzen dira normalean eta bazen garaia kontzertu bat elkarrekin emateko. Estilo aski desberdinak eskainiko dizkigute larunbateko emanaldian, doinu metaleroak, heavyak, baina baita rock alternatiboa edota kanta poperoagoak. Innputtek soinu elektronikoekin eta atmosferarekin jolasten du, Mindtrapek Rockaren limiteak kuestionatzen ditu, nahasketa bitxiak eginez eta Indidxabakek adierazpenaren indarra jarri nahi du agerian bere kantuen bitartez. Sarrera 3€.