Ongi igaro al dira Yrungo jaiak? Dagoeneko nekeak alde batera utziak izango dituzuelakoan, kontzertu eder bat antolatu dugu Lakaxitan uztailak 4rako (larunbata), jaiak amaitzeak ez baitu esan nahi etxean giltzapetu behar dugunik!
Antxeta Irratia.- Heldu den Uztailaren 4an, Antxeta Irratian Irungo Ficoban antolatu du mahain ingurua. Bertan, Ipar Euskal Herriko Bake Bideak, ekainaren 11an Pariseko Asanblada Nazionalean "Euskal Herrian bakea eraikitzeko Giza Konferentzia" lemapean burutuko duen hitzorduaren ondorioak aurkeztuak izanen dira.
Hendaiako Zarpai Bandak hiru egunetako Pirata Besta antolatu du uztailak 3-tik 5-era bitarte, beraien 45. urteurrena ospatzeko.
Hiru egunetan zehar kontzertuak, karrika animazioa eta ekitaldi aunitz prestatu dituzte portu ondoko Bidasoa ordokian eraiki duten benetako herrixka pirata.
Tomas Elgorriagaren aldeko sustengu taldeak hitzaldia antolatu du datorren uztailak 2 rako, hondarribiko Olagarro elkartean.
Hitzaldiak bi zati izango ditu:
Alde batetik, Miren Illarreta abokatuak arlo juridikoa azalduko dizkigu, momentu honetan Tomasek Alemanian dituen karguak, bere espetxe egoera eta Frantziak estraditatzeko egin dituen eskaera eta azken mugimenduak.