Gure Esku Dago, erabakitzeko eskubidearen aldeko herri dinamika azken txanpan sartzen da Ekainaren 8an Durango eta Iruña lotuko dituen giza katea osatzeko hilabete exkax geratzen denean. Bidasoa eskualdeari 1200-1500 pertsona lotzea dagokio eta helburua lortzeko larunbat honetan, maiatzak 10, eguerdiko 12’00etan mosaiko erraldoi bat antolatu da San Juan plazan izen emateekin  batera hiritargo guztia parte hartzera animatuz. Bestalde, igandean, maiatzak 11, arratsaldeko 19’00tan Landetxako Auzo Elkartean “Gazta Zati Bat” filma botako da (sarrera doan) eta bertan ere giza katean izena emateko aukera izango da.

Azken gertaera larrien harira urgentziazko deialdia zabaltzen dugu datorren maiatzaren 8an, ostegunarekin, arratsaldeko 19:00tan Lezoko Txerrimuñon egingo den batzarrera biltzeko.

1)- ALARMA EGOERA APAIZIARTZAN! -

Bi urte eta erdi pasa dira Gantxurizketako (Lezo) Apaiziartzako proiektua martxan jarri zenetik; Diputazioaren jabetzako Apaiziartzako baserri-erdi eta lurrak okupatuz eta hauen erabilpena berpiztuz, autogestioaren bidetik hiru oinarrizko helburu ardatz hartuta:

• Bertan eraiki nahi duten Plataforma Intermodalari aurre eginez Gaintxurizketako nekazal lurrak erabili eta bertatik elikadura subirautasuna bermatzea.
• Orsoalde mailan nekazaritza ekologikoan oinarritutako kontsumo sare bat sortzea, non dagoeneko 75 familiek jaten duten bertatik gaur egun.
• Etxebizitza bezala erabilpenik ez zuen baserri erdiari bizitza eman eta gaur egungo etxebizitza arazo larriari irtenbidea bilatu nahi dion jendeak aukera bat izatea, lurra eta baserria uztartuz.