Alaikiro Guraso elkartetik herritar guztiak gonbidatu nahi ditugu Irungo kaleetan zehar Martxoaren 10ean antolatuko dugun Lilatoi txikira.
GazteARTEan KONEKTA.- Datorren martxoaren 9an, arratsaldeko 17:00-20:00tara, Asexora-T eta Konekta zerbitzuek Emakume Sortzaileen Azoka egingo dute Emakumeen Nazioarteko Eguna dela eta, inguruko emakume artisten ikusgarritasuna sustatzeko. Ekintza Urdanibi plazako Hospital Zahar ondoan aurrera eramango da.
Martxoaren 8an gure kaleak aldarri feministez beteko ditugu itotzen gaituen sistema kapitalista, zisheteroarautu, arrazista, kapazitista, patriarkal eta ekosuntsitzailea iraultzeko!
2008ko Sanferminetan Nagore Laffage gazte irundarra ezetz esateagatik erail egin zuten. Ordutik hona,Nagoreren ama den Asun Casasolak aurrera eramandako borroka emakume guztien askatasunaren sinbolo bihurtu da.