Larunbatero 11:00etatik 13:00etara Irungo Leka Enea ikastetxean txilibitoa, errebikoitza eta partxea jotzen ikasteko tailerrak izango dira.
Gure Esku.- Gure Eskuk 10 urte beteko ditu ekainaren 8an, eta etorkizunera begira jarriz herri dinamika indartzeko urtea dugu. Itsasargia izeneko eztabaida herritarra abian dugu, Nazioarteko Konferentzia bat antolatzen ari gara, eta uztailan, Tourra Euskal Herritik abiatuko dela baliatuz, gure aldarriak lau haizetara zabalduko ditugu.
Osasun Bidasoa Plataformak "Osasun Publikoa desegiteari ez" lelopean larunbat honetarako Donostian (12:00etan Boulevardetik) deitutako manifestazioarekin bat egitea erabaki du, eta bertan parte hartuko du.
Gaur arratsaldean, Bidasoako Asanblada Feministak eta Itaiak elkarretaratzea egingo dute San Juan plazan, 19:00etan, joan den asteburuan Irunen izandako azken eraso sexista salatzeko.
Osasun Bidasoa Plataformak elkarretaratzea deitu du otsailaren 23rako (osteguna), 14:00etan, Hondarribiko anbulatorioaren ondoan.