Irunero.- Lassai Psikologiako Estibaliz Zubialde psikologoa izango da Hizlaria azaroaren 11n, asteartean, Oiasso museoan.

Hitzaldirako sarrera doakoa izango da eta Oiasso museoan bertan lortu daitezke.

Gaiak: Psikologia, Ama Hizkuntza, Osasun Mentala.

IRUN. Azaroaren 11n, asteartea, 18:00etan, "Nolako garrantzia du ama hizkuntzak psikoterapian?"” galderari erantzuna emango dion zuzeneko elkarrizketaren grabaketa publikoa egingo da. Irungo Udalak Euskararen Nazioarteko Egunaren harira antolatutako jarduera egitarauaren barnean kokatzen da ekintza.

Lassai Psikologiako Estibaliz Zubialde psikologoa izango da elkarrizketaren protagonista, eta hizkuntzak ongizate emozionalean eta terapia prozesuan duen funtsezko papera aztertuko du.

Elkarrizketa hau Irunero aldizkarirako eta Txingudi Online hedabideetarako grabatuko da. Behin elkarrizketa amaituta, galdera-erantzunen txanda irekiko da, bertaratutakoek beren zalantzak argitu ditzaten.

Ekitaldiaren xehetasunak:

• Noiz: Azaroaren 11n, asteartea, 18:00etan.
• Non: Oiasso Museoan, Portu aretoan, Irunen.
• Hizlaria: Estibaliz Zubialde, psikologoa (Lassai Psikologia).
• Sarrera: Doakoa.

Sarrerak Eskuratzeko: Gonbidapenak Oiasso Museoan eskuragarri daude.

• Ordutegia: Asteartetik igandera 10:00etatik 14:00etara, eta ostiral eta larunbatean 16:00etatik 19:00etara.
• Gehienez ere, pertsonako bi sarrera har daitezke.

Elkarrizketa honen bidez, terapia eta hezkuntza arloko profesionalek eta gaian interesa duten herritarrek ama hizkuntzaren eta emozioen arteko loturaren inguruko argibide interesgarriak jasotzeko aukera izango dute.