Erletxea.-Barakaldoko Argitan konpasek argi dute martxoaren 8 honetan eta urteko 364 egun guztietan, “pobreziak emakume aurpegia du”. Soldata-arrakala, pentsio baxuagoak, etxeko eta zaintzako lana, enplegu prekarizatuak eta Berme Errenta jasotzen duten emakume gehienak. Baita bizitzeko feminismo baten alde borrokatzea ere, erresistitzeko feminismo baten alde.
Hondarribian, Ama Guadalupekoa ikastetxe parean geratu dira; Irunen, berriz, Euskotrenen Irun Kolon geltokian.
Irungo Emakumeen Etxea Elkartea.- Martxoaren 8a Emakumeen Nazioarteko Eguna dela eta, Irungo Emakumeen Etxea Elkarteak ahotsa altxatu eta borroka feministako egun honetako aldarrikapenekin bat egin nahi du. Egun honek gogorarazten digu emakumeen eta gizonen arteko benetako berdintasuna egiteke dagoen helmuga dela oraindik ere, eta gaur egun ere, gure hirian bertan, emakume izateagatik diskriminazioa, genero-indarkeria eta sexu-erasoak jasaten dituzten emakumeak daudela.
M8 Asamblada Feminista.- Gaur, munduko emakume guztiok patriarkatuaren aurka egunero egiten dugun lasterketa luzea irudikatzea genuen asmoa. Lortu dugu, iritsi gara gaurko helmugara.
Bagera.-Emazteen Eskubideen Nazioarteko Eguna, aurten, nazioartean nahiz gurean, eskuin muturra gero eta boteretsuagoa eta mehatxagarriagoa den testuinguru batean aurkezten da emazteontzat, erabiltzen duen ideologia patriarkalagatik.
8M. Atzerakada ekonomiko eta politikoki garai honetan, ezinbestekoa dugu emakume langileok lehen lerroa hartzea.
Martxoaren 8an gure kaleak aldarri feministez beteko ditugu itotzen gaituen sistema kapitalista, zisheteroarautu, arrazista, kapazitista, patriarkal eta ekosuntsitzailea iraultzeko!
