Hartu Hitza.- Txanaleta plazan bildu gara azaldu nahi dizuegulako urriaren 27an Hartu Hitza Irun elkarteak antolatu duen ekitaldiaren berri emateko. Herri Galdeketaren kanpainaren barruan, datorren larunbateko ekitaldia momentu nagusiena izango da.
Hurrengo estekan Irungo Herri Galdeketaren kantaren bideoklip ofiziala duzue: https://www.youtube.com/watch?v=BweddCqDqlg
Kantaren letra Eneritz Furyakena da eta erritmoa Los Secos taldeak gauzatu du.
Ehundaka pertsona bildu ziren atzo Zabaltza Plazan Hartu Hitza Irun elkarteak antolatu zuen Klik Eguna ekitaldian. Ilusioa, zirrara, poza eta jai giroa nabaria zen 3000 sinadura lortu zirela ospatzeko progamatu zuten egunean. Lan eskerga egin ondoren, elkarteak Irungo herriari euren esker ona eskeini nahi izan zien festa bat antolatuz Irungo erdigunean eta emaitza ezinhobea izan zen.
Maiatzaren 19an arratsaldeko 18:00tan Zabaltza Plazan, Irungo Herri Galdeketan eztabaidatuko den galdera publikoki aurkeztuko du Hartu Hitzak. Hori dela eta, mosaiko erraldoi bat, Hartu Hitzaren kanta eta jai giroa izango da Zabaltza Plazan.
Jadanik 3 hilabete pasa dira otsailaren 17an gure aurkezpen publikoa egin genuenetik. Amaia Kultur Zentroan egin genuen agerpen jendetsu hartan bi notizia eman genituen. Lehena, Irunen burutzeko asmoa dugun Herri Galdeketa 2018ko azaroaren 18an izango zela. Eta bigarrena, Galdeketa egin ahal izateko irundarren babesa behar genuela eta horretarako 3000 sinadura bildu nahi genituela.
Gaurkoan beste hiru notizia emateko bildu gara hemen:
Otsailaren 17an Hartu Hitza elkarteak prestatutako prozesua publiko egin eta dena martxan jarri zuenetik abiadura bizian gertatzen ari da dena. Horren seinale sinadura bilketa izan da, behar ziren 3000 sinadurak lortu eta momentu honetan, 800 sinadura gehiago lortu dituzte. Hartu Hitzatik prozesu honetan parte hartu eta babesa eskeini duten pertsona guztiei eskerrak eman nahi dizkiete egindako esfortzuarengatik.
Asteburu honetan irundarrek datorren 2018ko azaroaren 18an ospatuko den Irungo Herri Galdeketa babesteko Hartu Hitzak bere buruari ezarri zion epea bukatzen da.
Hala ere, aurreko astean helburua bete genuen, izan ere, aurreko astean egindako esfortzuak, 11 mahai 11 auzoetan jartzeak, fruituak jaso zituen. Horrela, behar genituen 3000 sinadurak gainditu eta 3302 lortu ditugu gaur arte, Irungo herritarren %5 baino gehiago izango litzatekeena.
