Atzo, apirilaren 1ean, ordenantza berri bat indarrean sartu zen, San Marko Mankomunitateko udalerrietako industria- eta enpresa-poligonoetako eta parke teknologikoetako hondakinak biltzeko zerbitzua arautuko duena, alegia.

Araudi berriaren bidez, Mankomunitateak helburu nagusi bat bete nahi du: enpresei birziklatzearen garrantzia eta horrek gizarteari ekartzen dizkion onurak ikusaraztea, eta prozesu horretan parte hartzea bultzatzea. Horretarako, hondakin ez arriskutsuak biltzeko zerbitzuak definitu ditu, eta horiek erabiltzeko baldintzak ezarri.