Kemen Dantza Taldea.- Euskal Herriko herri inauteri bat plazaratuko du Kemen Dantza Taldeak larunbatean, otsailaren 22an, hamaikagarren urtez, dagoeneko. Nafarroako Lantz herriko inauteriaren txanda izango da aurtengoan. Alde batetik, Lantzeko Inauteriko hainbat dantza prestatu ditugu: Lantzeko zortzikoa, muxikoak, karrika dantza etab. Dantzez gain, eta Nafarroako herrian egiten den moduan, Lantzeko Inauterietan egiten den antzerkia plazaratuko dugu. Horretarako, bertako pertsonaia guztiak kaleratuko ditugu: Miel Otxin, Txatxoak, Ziripot, Zaldikoa, eta Perratzaileak.

Goizeko 9:30etan, Sainduan Gaztetxean elkartzen gara, eta Montañenea Baserrira joango gara, han auzoz-auzo ibiliko gara, Gornuz-Montaña, Zimizarga, eta Akartegiko baserrietan.  

Jantzia oso erreza da, etxeko arropak zaharrekin adibidez zakuekin egindakoa, zapela buruan, abarkak eta aurpegia estalita inork ezagutu dezan. Trikitixa doinu lagundutaz goizean zehar dantza egingo dugu eta nola ez, indarrak hartzeko goiz erdian amaketakoa egiten dugu.