AEK.- 24. Korrikak utzitako sentsazio indartsuei helduta, AEK Bidasoko Mintzodromoa antolatu du datorren maiatzaren 21erako, Irungo San Juan plazan.

Ekimen hau Korrikaren "12. Eguna" dinamikaren baitan dago; izan ere, helburua da lasterketak irauten duen 11 egunetatik harago joatea. Korrika bera amaitu bada ere, dinamika honek euskararen pizkunderako txinparta izan nahi du, herritar zein eragileek korrikan hartutako konpromisoak aurrera eramaten jarrai ditzaten, norberarengandik hasita.