Txingudi Eskubaloia.- Jakinarazten dizuegu datorren larunbatean, apirilaren 26an, José Ramón Pérez Suescun Memoriala- Eskubaloi Inklusiboaren II. Txapelketa egingo dela Irungo Artaleku Kiroldegian.

4 taldek hartuko dute parte: Beti Onak, Ereintza Izarrak, Zarautz eta Txingudi Echemarrek. 6 partida jokatuko dira 10:30etatik aurrera. Eta sari banaketa 13: 00ean izango da.

Txingudi Eskubaloia Txapelketa hau urrats txiki bat bezala antolatzen du, hain beharrezkoa, etorkizunean, desgaitasuna duten pertsonak kiroletik kanpo uzten dituzten oztopo asko hautsi ahal izateko eta kirolaren bidez inklusioa lortzeko helburu nagusiarekin. Eskubaloiaren bidez pertsonak gizarteratzea sustatzen dugu, gizarte-bazterkeria jasateko arriskuan dauden taldeen problematikari buruz kontzientziatzen lagunduz.

Gizarte bidezkoagoa eta inklusiboagoa eraikitzen lagundu nahi dugu, aniztasuna errespetatuko duena; eta Jarduera Fisikoaren eta Kirolaren praktika bultzatu nahi dugu desgaitasunen bat duten eta ez duten pertsonen artean, baldintza berdinetan, mugarik gabe, osasuna eta bizi-kalitatea hobetuz. Era berean, gure jokalari José Ramón Pérez Suescuni egindako omenaldi txiki bat da, Echemar Alai taldearen hasieratik, eta haren oroitzapena eta irribarrea bidelagun ditugu proiektu honetan.