BDSKoop Elkartea.- 2026an “KOOPERATUZ” sariaren edizio berria jarriko dugu martxan, printzipio kooperatiboak eta Ekonomia Sozialaren balioak gizarteratzeko, ikusarazteko eta horien inguruan hausnarketa kolektiboa sustatzeko helburuarekin.

Sariaren ezaugarri nagusiak

Guztira 3.000 €, 1.500 €-ko bi saritan banatuta.

Bi kategoria:

• Gazteen kategoria (17 urtera arte)
• Helduen kategoria (18 urtetik gora)
  
  

Nork har dezake parte?

Lehiaketa herritar guztiei irekia da. Parte hartu ahal izango dute:

• Norbanakoek
• Gazteek (banaka edo taldean)
• Talde informalek (ikasle-taldeak, lagun-taldeak…)
• Elkarteek, kolektiboek edo komunitate-ekimenek
• Ekonomia Sozialeko enpresek edo kooperatibek
  
  

Ez da beharrezkoa kooperatiba izatea, ezta Ekonomia Sozialari buruzko ezagutza teknikorik izatea ere.

Nola parte hartu?

Parte-hartzea kontakizun baten bidez egingo da, formatu librean:

• Testu laburra
• Bideo edo audio laburra
• Irudi bat + testu laburra

Helburua ez da kalitate teknikoa, baizik eta balio kooperatiboak nola bizi, irudikatu edo kontatzen diren erakustea: elkarlana, parte-hartzea, komunitatea, zaintza, justizia soziala edo lurraldearekiko konpromisoa, besteak beste.

Parte hartzeko, online galdetegi sinple bat bete besterik ez da egin behar.

Deialdiaren oinarriak eta parte-hartzeko galdetegia.

Epeak

• Deialdiaren irekiera: 2026ko otsailaren 20a
• Lanak aurkezteko azken eguna: 2026ko apirilaren 20a (23:59)