Enrike Lekuona Itsas Ingeniaria da eta arrantza munduarekin harreman handia izan du betidanik.
Hitzaldia Alde Zaharreko Kultur Etxeko 103. aretoan izango da, esan bezala datorren ostegunean, maiatzak 12, arratsaldeko 19:00etan.
Zeini dagokio matxismoaren aurkako borroka? Erantzunak argia ematen du, guztion kontua da, gizon zein emakume. Baina, zer egiten dugu gizonek zehazki matxismoaren aurrean? Zer gure gizontasun eredu patriarkal hegemonikoa eraldatzeko?
Denbora bat bada, galdera hauen eta beste batzuren bueltan, gizon talde txiki bat hausnartzen gabiltzala. Baina uste dugu, ez dagoela iada aitzakiarik, mugitzea tokatzen zaigula ezartzen zaigun, eta guk egunero birproduzitzen dugun gizon eredu hetero-patriarkala aldatzeko. Badela garaia, gizon izate hutsagatik jaso ditugun zenbait pribilegio ezbaian jartzen hasteko. Jendarte parekide baten bidean, gizonen partetik urrats argiak ematen hasteko.
Hondarribiko EH Bildu.- Gipuzkoako Erraustegiaren Aurkako Plataformatik laguntza eskatu digute: maiatzak 13-14 bitartean Gipuzkoa osoan aldi berean buzoneo masibo bat egin nahi da, erraustegiaren ondorioen inguruan gipuzkoar denei informazioa emateko.
Txirrinka TOMA lurraren eta jendarte hobeagoaren aldeko ekimena da. Txirrindulaz zeharkatuko dugu Euskal Herria lau zutabek, eta zutabe bakoitzak lekuko bat eramango du. Lekukoa, jende eta kolektibo ezberdinen artean igaroko da. Jendarte hobeagoaren alde zaudeten kolektibo eta pertsonei luzatzen dizuegu Txirrinkan parte hartzeko gonbitea. Borroka asko badaude ere helburu amankomuna dugu: jendarte justoago bat eraiki.
