Antxeta Irratiaren 15.urteurrenaren kanpainaren baitan, "Bidasoa inklusiboa?" mahain ingurua antolatu dugu datorren osteogunean, martxoak 17, Irungo Ospital Zaharrean, 19:00etan.
Bertan izanen dira:
- Idoia Ikardo, Irungo Adiskidetuak elkarteko ordezkaria
- Mikel Mazkiaran, SOS Arrazakeriako integrazio aditua
- Gorka Moreno, Ikuspegi, immigrazioaren behatokiko zuzendaria
Oarsoaldeko Elikadura Burujabetzaren Aldeko Eragileak.- Elikadura burujabetzaren aldeko Oarsoaldeko hainbat eragilek deituta, eskualdeko lehen bilera egin zuten atzo 40 bat pertsonek Errenteria-Oreretako Xenpelar Etxean.
Proiektuak interesa piztu du. Hala, apiriletik aurrera, herriz herri zein eskualdean, lanean hasiko dira egitasmoa lehenbailehen martxan jartzeko.
Bidasoa Bizirik.- “Negozio digitalen garapena” ikastaroa egiten ari dira joan den otsailaren 8az geroztik Bidasoa Bizirik-en Enpresa Gune eta Autoenplegu Departamentuan. Irun Ekintzan ekimenak finantzatutako ekimena da, Irungo Enpleguaren eta Garapen Ekonomikoaren aldeko Itunaren baitan.
Bidasoa Bizirik.- Abian da Ocean Living Lab proiektua. Bidasoa Bizirik-ek eta Aglomération Sud Pays Basque-k sustatutako mugaz gaindiko programa da. Helburua da Europa mailako erreferente izatea, irristatze, akzio eta ur kiroletan.
