Larreaundi-Olaberriako auzo-elkartea.- Asteartean, otsailak 4, arratsaldeko 17:30tan Haizea Loira Matxiñena-k Behin batean Dantza artean saioa eskainiko du. Auzo lokal berrian (Virgen Milagrosa kalean) izango da.
Eguzki talde ekologista.- Hurrengo igandean, otsailak 2, hezeguneen nazioarteko eguna da. Hori dela eta, Eguzki talde ekologistak Txingudiko hezegunean dagoen parkean zehar ibilaldi gidatu bat antolatu du. Hitzordua 11:00etan izango da, Plaiaundiko parkeko sarrerako Ekoetxean.
EH Bildu.- PSEk eta EAJk ezagutzera eman duten Udal Gobernu berriaren prentsaurrekoan, ez dute argitu orain arte izandako desberdintasunak nola bideratu dituzten, eta Irunerako estrategikoak diren gaietan zein posiziotara iritsi diren.
Abotsanitz.- Ia astebete pasa den honetan, oraindik ere, zur eta lur jarraitzen dugu EAJ-PNVk egindako komunikazioarekin, 2024ko aurrekontuen harira. Gaur egungo EAJren Udal Taldean, gutxienez, erdiak badu esperientzia Gobernuan edota kudeaketan egotearena (Gonzalo Carrion, Maria Serrano eta Juan Luis Silanesek) eta horregatik egiten zaigu oraindik eta sinesgaitzagoa publiko egindakoa.
