Mosku Bizirik.- Azken hamarkadetan, irungo txoko gorri izan delako, errepresioaren jo-mugan izan da Mosku eten-gabean. Honen izpiritu errebeldea makurrarazteko kolpeak etengabe, berriz ere “Urdanibia” izan dadin. Giza-legearen bizitza mirabe eta anodinoa gurtzen duen hiri gris honetan, aske izan nahi izatea arriskutsua izan daiteke. Gorri izatea, feminista izatea eta batez ere, kalea auzo-bizitzarako erabili eta aldarrikatzea garesti atera daiteke. Konkretuki: 751 eta 1500 € artean.

Atzo Espainiako audientzia nazionalak Kataluniako Jordi Sanchez (ANCko lehendakaria) eta Jordi Cuixart (OMNIUMeko lehendakaria) gartzeleratu ostean GURE ESKU DAGO herri mugimenduak elkarretaratzeak antolatu ditu Euskal Herriko herri guztietan gertaera horiek salatzeko. Izugarria da estatu espainolak arazo politiko baten aurrean horrelako neurriak hartzea. Demokrazia, akordioak, elkarrizketa eta erabakitzeko eskubidearen alde, Kataluniako herriarekin bat, kalera ateratzeko deialdia egiten dugu.

Irunen Zabaltza plazan izango da arratsaldeko 19:00etan. Azkenaldiko deialdietan egin dugun moduan pankartarik gabe, modu bateratuan eta anitzean.

Aste honetan bertan Catalunya aldetik berri kezkarriak iristen ari zaizkigu. Ikasle Mugimenduaren kontra oldartu da polizia, eta atxiloketak gauzatzen ari dira. Kezkagarritzat jotzen dugu hau guztia, eta oldarkortasun honen adierazgarria da azken aldian herri mugimenduaren aurka indar polizialek hartu duten jarrera.