Uztailan 101 langabe gehiago Bidasoaldean

Jakitera eman dituzten datuen arabera, uztailan 3.846 lagun daude lanik gabe gure eskualdean. Azken hilabetean 83 lagun gehiago daude langabezian Irunen eta 18 Hondarribian.

Gaur egun, Irunen, 3.288 lagun daude euskal enplegu zerbitzuan izena emanda, biztanleria aktiboaren %11,4 hain zuzen. Iazko uztaileko hilabetearekin konparatua 123 langabe gutxiago daude orain Irunen.

Hondarribian egun 558 hondarrabitar daude Lanbide zerrendetan, biztanleria aktiboaren %6,9. Azken urtean 36 langabe gehiago daude ondoko herrian.

Bidasoa eskualdeko langabezi tasa %10,4koa da (%11,4 Irungoa eta %6,9 Hondarribikoa), %8,5 Gipuzkoakoa, eta EAEkoa berriz %10,6 da.

Sektoreka, industria eta zerbitzuetan igo da langabezia.

Etiquetas: