Ezagutzera eman dituzten datuen arabera, urrian 4.758 bidasotar zeuden lanik gabe gure eskualdean, 2019ko urrian baino 756 gehiago. Azken hilabetean, 244 lagunek Irunen eta 47k Hondarribian Lanbideko zerrendetatik ezabatu ahal izan zituzten euren izenak. Hala ere, gure eskualdea da Gipuzkoa osoan langabezia-tasa handiena duena.

Gaur egun, 4.078 irundarrak dira Euskal Enplegu Zerbitzuan izena eman dutenak, biztanleria aktiboaren % 14. Langabeen urte arteko bilakaera aztertuta, azken urtean 683 langabe gehiago daude Irunen.

Eta Hondarribian, gaur egun, 680 pertsona daude langabezian, biztanleria aktiboaren % 8,4. Azken urtean, 73 hondarribitar gehiago daude Lanbideren zerrendetan izena emanda.

Irungo langabezia-tasa % 14koa da eta Hondarribikoa % 8,4koa. Gure eskualdeko langabezia-tasa % 12,8koa da, Gipuzkoakoa % 11,5ekoa eta EAEkoa % 12,9koa.