Emeki eta Parean elkarteak.- Emeki eta Parean elkarteek “Generoa ohituretan dantzan” hitzaldi sorta abiatuko dute ekainaren 10ean.Foro hauetan ohituren eta tradizioen bizi berritzeaz arituko gara.
Slimfit pop-rock alternatiboko taldea da, eta Irunen du oinarria. Bere eraginak 50eko hamarkadako popa, post-punka edo rock industriala dira, melodiak distortsioarekin eta oinarri elektronikoekin konbinatzeko formula egokiaren etengabeko bilaketan.
Ocupación S.A. traizio baten erretratua da. Ikuspegi zehatz eta argitaragabe batekin, dokumentalak Mendebaldeko Sahararen ustiapen ekonomikoan inplikatutako enpresari eta politikari espainiarren izen-abizenak azaltzen ditu, Afrikako azken kolonia eta munduko lurralde bortitz, militarizatu eta zentsuratuenetako bat.
Bor-Bor Hausnarketarako plaza kolektiboa.- Udaberriko Eskola Politikoa ari da bere hondarrera iristen; azken saioa datorren ostegunean izango da, ohi bezala 18:30ean Arbesko Toki Alai eskolan. Itxiera saio honetan Unai Apaolaza Amenabar izango dugu gurekin, filosofo eta Ehun kolektiboko militante ohia, euskal estatugintzaren ibilbidea aztertu eta bide berri baten proposamena egiteko.
Oroimenak Antzerki Taldea
Komentua kabaret hondatuko lokal bat da, eta ikuskizun berri bat antolatzen ari da dagoen zulo ekonomikotik ateratzen saiatzeko. Entseatzen duten bitartean, kabareteko diva handi bat itzultzen da lokalera, Clara Aranguren, bere karrera bertan sortu zelarik.