Kepa Ordoki Memoria Historikoa Bidasoan.- Aldeko 23 botorekin (PSOE-EE, Elkarrekin Podemos, EAJ eta EH-Bildu) eta aurkako bozka bakarrarekin (PP), ontzat eman du irungo osoko bilkurak Kepa Ordoki - Memoria Historikoa Bidasoan elkarteak aurkezturiko “Lluís Companys i Jover president katalanari aitorpena” ekimenean proposatzen diren akordioak.
Irungo Harrera Sarea.- Pandemia egoera dela eta migrazioa jaitsiera nabaritu da eta Sarearen lanak ere baldintzatuak egon dira aurten. Izurritearen lehen 4 hilabeteetan, martxotik ekainera ez zen inor iritsi.
Abotsanitz.- Euskal Autonomia Erkidegoko Fiskaltza Nagusiak baieztatu duenez, Hondarribiko Udalak irregulartasun sistematikoak egin ditu Montai taldeko enpresen jarraipenezko kontratazioan. Abotsanitz, Hondarribiko oposizioko talde nagusiak egindako kontsultari erantzunez, Fiskaltzak "Udalak kontratazio arauak betetzen ez dituela" egiaztatu du. Hala ere, praktika horiek ez salatzea erabaki du, "ez baita nahikoa frogatu Montai Taldeko enpresen kontratazioan egindako irregulartasunak delitu direnik".
Irungo Sare.-3 hilabete pasa dira Etxerateko kideekin batera Izan Bidea dinamikaren baitan Baietz 2420km! erronka aurkeztu genuenetik, eta bete dugu!
3 hilabete hauetan 2420km-tik gora egin ditugu. 100dik gora partaidek bidali dizkigute kilometroak eta argazkiak, kontagailua O-tik jeistea lortu dugularik. Mila esker bertan parte hartu duzuen guztioi!
Abotsanitz.- Mugitu ezin den elefantea, hori da herritar gehienentzako Hondarribiko Udala. Herritarren eskaerak erantzuten ez dituen elefantea, urtetik urtera zehazten dituen helburuak betetzeko gai ez dena, langile taldea osatzeko imintziorik ere egiten ez duena, azpiegitura publikoen mantenuari beharrezko arreta jartzen ez diona, zerbitzu publikoetan gabezi ikaragarriak dituena, udaletxeko eta beste zenbait udal eraikinetako ateak itxita mantentzen dituena.